Հայաստանի եւ Ռուսիոյ նախագահներ Սերժ Սարգսեան եւ Վլատիմիր Փութին Նոյեմբեր 15-ին Թրեթեաքովեան պատկերասրահին մէջ մասնակցած են «Ռուսիոյ մէջ Հայաստանի մշակոյթի օրեր»ու պաշտօնական բացման արարողութեան:
Արարողութիւնը մեկնարկած է Մարտիրոս Սարեանի ցուցահանդէսով, ուր ներկայացուած են նկարիչի մօտ երեք տասնեակ աշխատանքներ Հայաստանի ազգային պատկերասրահի, Երեւանի մէջ Մարտիրոս Սարեանի տուն-թանգարանի եւ Թրեթեաքովեան պատկերասրահի հաւաքածուներէն:
Այս առիթով Վլատիմիր Փութին Սերժ Սարգսեանին յանձնած է 1995 թուականին Հայաստանէն գողցուած նկարիչ Միխայիլ Վրուպելի «Դեւը եւ հրեշտակը Թամարի հոգիին հետ» կտաւը: