Անցած գիշեր արցախեան սահմանին հակառակորդը տարբեր հրաձգային զինատեսակներէ, հրադադարի պահպանման ռեժիմը խախտած է մօտ 90 անգամ՝ հայ դիրքերու ուղղութեամբ արձակելով աւելի քան 1300 կրակոց:
Բացի հրաձգային զինատեսակներէ, ատրպէյճանական զինուժը սահմանի արեւելեան ուղղութեամբ կիրառած է ականանետ (1 արկ), իսկ հիւսիսարեւելեան հատուածին՝ ականանետ (1 արկ) եւ ձեռքի հակաթանկային նռնականետ (1 արկ):
ՊԲ առաջապահները կը շարունակեն լիակատար վերահսկողութիւն պահպանել առաջնագծին եւ իրականացնել մարտական դիրքերու յուսալի պահպանութիւն: