16.09c
Երեվան
հնգ, ապր 25
Արցախեան գոյամարտի այս փուլը, ինչպէս մօտիկ անցեալին, այսօր ալ կը նշանաւորուի սփիւռքահայ կամաւոր-ազատամարտիկներու մասնակցութեամբ:
Ռազմական գործողութիւններուն մասնակցող այս տղաքը նաեւ բաւարար առիթներ կ՚ունենան երգով ու յաճախ ալ ֆետայական պարերով իրենց ոգիի ամրութիւնը արտայայտելու:
Ստորեւ «Արեւելք»ի ընթերցողներուն կը ներկայացնենք կարճ տեսանիւթ մը, որ տարածուած է համացանցին մէջ, եւ որուն ընդմէջէն հայ կամաւորականները քաջարի ոգիով եւ խինդով կը պատրաստուին մարտական յառաջիկայ յանձնարարութիւնները իրականացնելու:
Նշենք նաեւ, որ տեսանիւթին մէջ կերեւի սաղիմահայ երգիչ Աբոն, որ Արցախ մեկնելու նպատակով օրերս ժամանած էր մայր Հայաստան:
Քաջութիւն եւ վեհութիւն մեր զինուորներուն ու կամաւորներուն:
Անվտանգութիւն եւ ապահովութիւն Արցախի ու Հայաստանի անառիկ սահմաններուն:
