image

Վարդան Սըրմաքէշի հովանաւորութեամբ արդիական ծննդատան կառուցման աշխատանքները ընթացք առած են

Վարդան Սըրմաքէշի հովանաւորութեամբ արդիական ծննդատան կառուցման աշխատանքները ընթացք առած են

Գիւմրիի մէջ կ'ընթանան նոր ու տիպային ծննդատան կառուցման աշխատանքները: Ծննդատան հիմնարկէքը  տեղի ունեցած էր օգոստոս 2019-ին, ՀՀ առողջապահութեան նախարարութեան եւ զուիցերահայ գործարար Վարդան Սըրմաքէշի  միջեւ ստորագրուած յուշագիրէն օրեր անց: Հիմնարկէքի արարողութեան ներկայ եղած է ինքը՝ հովանաւորը, իսկ այսօր անոր հիմնած հիմնադրամն ու ծննդատան շինարարութիւնը ստանձնող կազմակերպութիւնը կը հետեւին շինարարութեան ընթացքին: Նոր  ծննդատան    պիտի միաւորուին  քաղաքին մէջ գործող երկու ծննդօգնութեան ծառայութիւնները՝ «Գիւմրու ծննդատուն» ՓԲԸ-ն (Փակ բաժնետիրական ընկերութիւն) եւ Մօր եւ մանկան աւստրիական հիւանդանոցի ծննդօգնութեան բաժանմունքը: Պատասխանատուներու խօսքով՝ կառուցուելիք տիպային ծննդատունը հնարավորութիւն կու տայ լուծել շարք մը հարցեր, առաջինը՝ ներհիւանդանոցային վարակներու հսկողութեան առումով, ինչպէս նաեւ ամբողջութեամբ կը բարելաւուի բուժառումներու պայմանները, որ ժամանակակից առողջապահութեան  հրամայականն է: Երկրաշարժէն ետք առաջին անգամ Գիւմրին վերջապէս կ'ունենայ ժամանակակից ծննդատան շէնք: