19.09c
Երեվան
շբթ, ապր 20
Կարեւոր զարգացում գրանցուած է Յորդանանի մէջ, որն առնչութիւն ունի Ամմանի հայկական համայնքին հետ։
Ըստ «Արեւելք»ի տիրապետած տեղեկութեանց Յորդանանի իրաւապահ մարմիններ երկար աշխատնքներու արդիւնքով յաջողած են քողազերծել ահաբեկչական խմբակ մը, որ ծրագրած էր գրոհ իրականացնել Ամմանի Էշրէֆիյէ թաղամասին մէջ գտնուող Սուրբ Թադէոս եկեղեցւոյ դէմ։
Կը նշուի նաեւ, որ ահաբեկիչները մտադիր էին գործողութիւնն իրականացնել այս տարուան Յունուարին։
Վերջին տուեալներուն համաձայն խմբակը բաղկացած եղած է անդամներէ, որոպք բոլորն ալ ձերբակալուած են եւ ենթակայ հարցաքննութեան։
Կարգ մը աղբիւրներու համաձայն ձերբակալեալներու խմբակը մտադիր եղած է ահաբեկչական արարքն իրականացնել 2018 թուականին եւ անոնք բոլորն ալ սերտօրէն առնչուած եղած են «Իսլամական պետութիւն» («Տահէշ») ահաբեկչական խմբաւորման։
Նշենք, որ ահաբեկիչներու ձերբակալման լուրը դրական շեշտերով ընկալուած է Յորդանանի հայկական շրջանակներուն կողմէ եւ կը սպասուի, որ հայկական կառոյցներու ներկայացուցիչ մարմիններ յառաջիկայ օրերուն հանդէս գան յատուկ հաղորդագրութեամբ։
