image

«Քովիտ- 19 »ի հետեւանքով մահացած է Ռուբինա Ղազարեանցը

«Քովիտ- 19 »ի հետեւանքով  մահացած է  Ռուբինա  Ղազարեանցը

 Դարանակալ մօտեցումներով «Քովիտ-19»ը  կը շարունակէ  մեզմէ  խլել տարբեր  ոլոտներու մէջ   առաջատար ներկայութիւն եղած   ազգայիններ։

 Այս   առումով  այսօր Երեւանի  մէջ իր մահկանացուն կնքած է  Ռուբինա Ղազարեանցը։

 

 

 Հայրենիքի  երազով  ու  վառ  սէրով   Թեհրանի  մէջ իր աչքերը  բացած    տիկին  Ռուբինան եղաւ անոնցմէ, որոնք Հայաստանի  անկախութեան  առաջին   տարիներուն իր ամուսնոյն  հետ   տեղափոխուեցաւ   Երեւան, այդպիսով  ճանապարհ բանալով իր  շնորհշատ    երեք  զաւակները՝   Սեւանը, Սարհատը  եւ Նանօրը, իրենց  կեանքը  շարունակեն  Հայաստանի մէջ։

 

   Աշխատեցաւ  բազում ոլորտներու մէջ,   եւ  վերջին  շրջանին մաս կը կազմէ  «Շանթ» հեռուստակայանի մեծ ընտանիքին։

 

 

«Քովիտ-19 »ի  դէմ   մեծ  պայքար  մղած  տիկին Ռուբինան   այսօր    փակեց իր  աչքերը,  իր մեծ ու փոքր ընտանիքներու   շրջանակներուն մէջ  թողնելով բարի  յիշատակ մը,   ու   նոյնանալով Հայաստանը անշահախնդրօրէն եւ մինչեւ վերջին շունչ սիրած նուիրեալի մը  իրական  կերպարին հետ։

 

 «Արեւելք»  այս տխուր առթիւ իր խորազգաց  ցաւակցութիւնները կը յայտնէ հանգուցեալի ընտանեկան  պարագաներուն եւ  ծանօթներուն։