image

Փարիզի մէջ ունինք նոր զոհ. «Քորոնա»ի հետեւանքով մահացած է Արամ Նազարեանը

Փարիզի մէջ ունինք նոր զոհ. «Քորոնա»ի   հետեւանքով մահացած է  Արամ Նազարեանը

«Քորոնա»ի   հետեւանքով     ունինք նոր  կորուստ։

Այս մասին  «Արեւելք»  տեղեկութիւն ստացաւ Ֆրանսայի  իր աղբիւրէն։ Մեր ունեցած  տեղեկութիւններով Արամ Նազարեան           մահացած է   «Քորոնա»ի   հետեւանքով։

Մեր  աղբիւրը նաեւ կը  նշէ, որ  արհեստով  վարսավիր   Արամ   վերջերս      ազատ ռէժիմով  կ՚աշխատէր   տարեցներու խնամք  տուող  կեդրոնի մը մէջ։

 Ան  օրեր        առաջ    հիւանդացած էր  կրիփով  ու  ապա  ներկայացած էր  հիւանդանոց եւ անցած «Քորոնա»ի քննութիւն։

 Աւելի  ուշ   պարզ դարձած էր   Արամի  «Քորոնա»ով վարակակիր ըլլալը եւ բժիշկները  խորհուրդ տուած  են      անցնիլ մեկուսացման,  տունէն  շարունակելով  իր   դարմանումը:  Իսկ    մէկ   օր առաջ, երբ   Արամի  հարազատները       անոր հետ կապ հաստատել   փորձելէ  ու անպատասխան մնալէ  ետք, մեկնած են իր տուն, յայտնաբերած են , որ Արամ  մահացած է։ 

Կը  նշուի  նաեւ, որ Արամ  ունէր առողջական  այլ խնդիրներ։

Արմատներով հալէպցի  Արամ  Նազարեան       ծանօթ     անուն էր Փարիզի   ՀԲԸՄ-ի շրջանակներուն  մօտ, ան անդամ էր  ՀԵԸ-ի «Սպենդիարեան»  երգչախումբին։  Ֆրանսա  հաստատուած էր   20  տարի  առաջ։