image
Հրատապ լուրեր:

Հրատապ. Սուրիոյ մէջ տոլարը հասաւ հազար սուրիական թղթոսկիի

Հրատապ.  Սուրիոյ մէջ տոլարը  հասաւ  հազար սուրիական  թղթոսկիի

Ելեւմտական  կտրուկ     զարգացումով   մը  Սուրիոյ   մէջ  ամերիկեան  տոլարին սակը  մեծ  մագլցում   գրանցած է։

Այս մասին  լուրը  հաղորդեց   «Էլ Նաշրա»  լրատուական  կայքը։

Աղբիւրը նաեւ կը հաղորդէ, որ այսօր  յետմիջօրէին  Սուրիոյ  մայրաքաղաք  Դամասկոսի մէջ   տոլարը   հասած է    1000   սուրիական  ոսկիի։

«Արեւելք» այս խնդրով    խօսեցաւ    դամասկահայ   գործիչ    Վահէ  Մահշիկեանին  հետ եւ վերջինս  հաստատեց,  որ  տոլարին սակը հասած է    հազար  սուրիական  ոսկիի։ Կը  նշուի  նաեւ,  որ    Սուրիոյ  մէջ   տեղի ունեցող  ելեւմտական   մեծ  ցնցումը կապուած է Լիբանանի  զարգացումներուն   հետ, իսկ  սուրիական   թղթոսկիին  մեծ  անկումը պայմանաւորուած է  Լիբանանի  վիճակին  հետ.   մեծ   թիւով  սուրիացի  գործարարներ  իրենց գումարները  պահ  դրած են   պէյրութեան  դրամատուներուն  մէջ    ու այսօր  յայտնուած  են    անդամալուծուած  վիճակի մը մէջ։

Յիշեցնենք, որ Սուրիոյ տագնապին սկբնական փուլին  երկրին  մէջ     ամերիկեան տոլարը կը վաճառուէր  60   սուրիական   ոսկիի, այս հաշուարկով  տոլարի   սակը  բարձրացած է  շուրջ քսան անգամ։