Սուրիոյ հայ երեք համայնքապետները խստիւ կը դատապարտեն Գամիշլիի հայ կաթողիկէ ժողովրդապետ Տէր Յովսէփ Քհնյ.Պետոյեանի եւ անոր հօր դաւադրական սպանութիւնը զինեալ ահաբեկիչներու կողմէ, որ պատահեցաւ Երկուշաբթի, 11 Նոյեմբեր 2019-ին, Տէր Զօրի Ալ Զար գիւղին մէջ:
Ահաբեկչական խմբաւորումներու գործունէութիւնը կը վերաշխուժանայ Սուրիոյ հիւսիս-արեւելեան շրջաններ թրքական ներխուժումներուն հետ զուգահեռաբար:
Ահաբեկչական այս արարքը կը հակասէ մարդկային, կրօնական բոլոր սկզբունքներուն եւ թիրախ կը դարձնէ սուրիական ընկերութիւնը՝ սպառնալով երկրի խաղաղութեան եւ բնակչութեան ապահովութեան:
Մասիս Եպս. Զօպուեան
Առաջնորդ Բերիոյ Հայոց Թեմին
Պետրոս Արք. Միրիաթեան
Առաջնորդ Բերիոյ Թեմի Կաթողիկէ Հայոց
Վերապատուելի Յարութիւն Սելիմեան
Համայնքապետ Սուրիոյ Հայ Աւետարանական Համայնքի
ՀԱԼԷՊ, 11 ՆՈՅԵՄԲԵՐ 2019