image
Հրատապ լուրեր:

Whats Up-ի Յեղափոխութեան 7-րդ օր. Փակ ճանապարհներ եւ բողոքի ցոյցեր

Whats Up-ի Յեղափոխութեան  7-րդ օր.  Փակ   ճանապարհներ եւ  բողոքի  ցոյցեր

   Լիբանան    այսօր  թեւակոխեց      Whats Up-ի   յեղափոխութեան  7-րդ օրը։

 

 Լրատուական   աղբիւրներ  կը հաղորդեն,  որ հազարաւոր  ցուցարներ երէկ  մինչեւ   ուշ գիշերուն  ժամերը        շարունակած են մնալ     Պէյրութի, Թրիփոլիի եւ այլ մեծ քաղաքներու կեդրոնական  հրապարակներուն վրայ։

 

  Ինչ  կը վերաբերի   այսօրուան    ընդհանուր իրավիճակին,  այսօր եւս       Լիբանանի մէջ գործադուլի  օր է։  Հազարաւոր   քաղաքացիներ կը շարունակեն փակ  պահել      մայրաքաղաք տանող  գլխաւոր  ճանապարհները։

 Կը նշուի, որ Լիբանանի  տարածքին   գտնուող  բոլոր վարժարանները այսօր եւս փակ  կը  պահեն իրենց դռները։

 

 Ինչ կը վերաբերի    երկրի դրամատնային  համակարգի, ապա      կանխատեսելով      ելեւմտական         նոր տագնապ մը,  դրամատուները նոյնպէս   կը շարունակեն մնալ փակուած։

 

  Կայանը  կը   հաղորդէ, որ   դրամատուներ   առանց  աղմուկի կը շարունակեն իր գործը կատարել եւ   դրամով  օժտել    ATM -ի   սարքերը։

 

 

  Նշենք,  որ այսօր   Պքէրքէյի մէջ կրօնական  առաջնորդներու  կարեւոր   համարուած   ժողով մը պիտի գումարուի  քննարկելու  համար երկրի ընդհանուր   դրութիւնը։