image

Պէյրութի պատմական «Երկաթէ կամուրջ»ը փուլ եկաւ(Տեսանիւթ,Լուսանկարներ)

Պէյրութի պատմական «Երկաթէ կամուրջ»ը փուլ եկաւ(Տեսանիւթ,Լուսանկարներ)

Պէյրութի   Նոր Հաճըն  հայկական թաղամասին   մերձ գտնուող ( Մար Միխայէլ-Ճըմայզէ  ճամբուն վրայ) պատմական նշանակութիւն ունեցող   «Երկաթէ  կամուրջ»ը  այսօր փուլ  եկաւ։

 Այս մասին «Արեւելք»   տեղեկութիւն ստացաւ Պէյրութէն։

Մեր աղբիւրը նաեւ  հաղորդեց, որ     մեծ բեռնատար  կառք մը փորձած է  անցնիլ   կամուրջի  տակէն, սակայն     անոր   գագաթի բարձրութեան հետեւանքով հպած է կամուրջին,  որ  արագօրէն  փուլ եկած եւ     յենած է   «Six wheel »   տիպի   բեռնատարին։

 Դէպքին հետեւանքով   արձանագրուած է  մէկ   վիրաւոր։  

Ապահովական մարմիններ, ինչպէս նաեւ շրջանի  քաղաքապետութեան ոստիկաններ  արագօրէն փութացած են դէպքի վայր՝  կարգաւորելու համար շրջանի  երթեւեկութիւնը։

Շրջանի հայութեան  համար   պատմական  նշանակութիւն ունեցող   շոգեկառքի  համար  նախատեսուած  կամուրջը անգործունեայ  վիճակի  մէջ էր  երկար տարիներէ  ի վեր։  Էշրէֆիյէ  շրջանէն  մինչեւ   Պէյրութի  ծովային հատուած  տանող    կամուրջը  որոշ    ժամանակի  համար  կը համարուէր  Պէյրութի տարբեր  հատուածները իրար  կապող     կարեւոր  նշանակութիւն ունեցող    կամուրջ։

 

Այն  նաեւ  հայութեան համար դարձած էր   «հանդիպման   վայր», եւ շատեր   աշխարահագրական  ինչ որ տեղ նշելու համար   կ՚ըսէին «երկաթէ կամուրջին մօտ  հանդիպինք», կամ  «այդ  խանութը կը գտնուի   երկաթէ կամուրջին ճիշդ  կողքը»։

Լիբանանի       օրինապահ մարմիններ կամ  Պէյրութի քաղաքապետութեան     խորհուրդը մինչեւ այս պահը  դէպքին մասին    մեկնաբանութիւն չեն տուած։


 

Vatche Barakhian-ի լուսանկարը:

 

Vatche Barakhian-ի լուսանկարը:

 

Vatche Barakhian-ի լուսանկարը:

 

Vatche Barakhian-ի լուսանկարը: