image

Խան Շէյխունի ճակատմարտը կը թէժանայ. Սուրիոյ բանակը վճռական է...

Խան  Շէյխունի   ճակատմարտը կը թէժանայ. Սուրիոյ  բանակը   վճռական է...

Իտլիպի   ծայրամաս   համարուող   «Խան  Շէյխուն»ի  շուրջ      իրավիճակը   կը  թէժանայ։Մինչ սուրիական  բանակը  կը փորձէ  առաջանալ եւ  դիրքեր հաստատել «Խան  Շէյխուն»ի  շուրջ, անդին  թրքական  բանակը  «գիծին վրայ» մտնելով, կը  փորձէ ամէն կերպ  օգնութեան հասնիլ  ահաբեկիչ  զինեալներուն։

 

   Ըստ  «Ռօյթըրզ»ի թրքական  բանակի   ստորաբաժանումներ  անտեսելով  միջազգային  բոլոր  համաձայնագրերը   այսօր   նոր   թափանցում իրականացնելով հատած են Սուրիա-Թուրքիա  սահմանը  եւ տեղակայուած  «Խան  Շէխուն»ի  մօտակայքը։

 

  Այս  մասին լուրը կը հաղորդէ «Ռօյթըրզ» լրատուական  գործակալութիւնը  յղում  ընելով   Սուրիոյ  պետական   լրասփիւռներուն։

 

 Կը  նշուի  նաեւ,  որ միւս կողմէ  սուրիական     բանակի    ջոկատներ  մօտեցած են  «Խան  Շէյխուն»ին։

 

 

   Արագ   տրուած  լուրով  մը «Ռօյթըրզ»    կը  փոխանցէ,  որ   շրջանին մէջ   պատերազմական  թէժ  իրավիճակ կը տիրէ,  եւ  Իտլիպի  մէջ գործող  ահաբեկիչ   զինեալներու  տարբեր       խմբաւորումներ     միաւորուած են   եւ կը  պատերազմին Սուրիոյ  ազգային  բանակին դէմ։

 

 

 Կը  նշուի  նաեւ,  որ    երէկ    ամբողջ     գիշերը   սուրիական բանակը   թէժ  մարտեր  մղած է  Խան  Շէխունի  դռներուն  ստիպելով ահաբեկիչ  զինեալներուն   նահանջի դիմել։

  Եղած   մարտերուն     հետեւանքով ահաբեկիչները  կրած են մեծ  կորուստներ։