16.09c
Երեվան
ուրբ, ապր 19
Օրեր առաջ հայկական լրահոսին մէջ լոյս տեսած էր կասկածելի բովանդակութեամբ անստորագիր գրութիւն մը, որու միջոցաւ կը տարածուէր բաւականին վտանգաւոր (անհիմն ըլլալով հանդերձ վտանգաւոր) եւ մեղադրական ոճով ներկայացուցած լուր մը, ըստ որուն Երուսաղէմի Սրբոց Յակոբեանց միաբանութեան անդամներէն Տ. Պարոյր ծ.վրդ. Երէցեան (Հայր Պարոյրը վանական կալուածներու գրասենեակի վարիչն է) ապօրինաբար վանապատկան հողեր կը վաճառէ։
Համացանցի ճամբով տարածուած այս անհիմն լուրին վերաբերեալ Երուսաղէմի հերքումը չէր ուշանար եւ Երուսաղէմի Պատրիարքարանի դիւանապետ Տ. Կորիւն վրդ. Պաղտասարեան իր կարճ ու բովանդակալից գրառումով մեր մտքերէն կը վանէր եղած չարախօսութիւնը եւ անգամ մը եւս կը վերահաստատէր, որ Երուսաղէմի Հայոց Վանքն ու վանապատկան կալուածները կը գտնուին ապահով ձեռաց մէջ։
Ստորեւ կը ներկայացնենք Տ. Կորիւն վրդ.ի գրառումը.
«Այն, որ յօդուածը լոյս է տեսել առանց հեղինակի ինքնին փաստում է, որ բովանդակութիւնը չի համապատասխանում իրականութեանը:
Անկասկած, հեղինակը զգուշացել է իր անունով հրապարակել յօդուածը` խուսափելու համար պատասխանատւութիւնից։
Ի վերջոյ հայութեան համար խիստ կարեւոր եւ ռազմավարական առումով ալ բարձր նշանակութիւն ունեցող հայկական Երուսաղէմը վեր է ամէն տեսակի ստոր հաշիւներէ։
Քրիստոնէական աշխարհին մէջ իր իւրայատուկ դիրքն ունեցող մեր եկեղեցին, վանքն ու «հայկական թաղամաս»ը Սուրբ Քաղաք Երուսաղէմի սրտին վրայ եղած մշատարժէք ու մշտափայլ ակ է, որուն դարաւոր լոյսը պիտի շարունակէ ճանապարհ ցոյց տալ համայն հայ ժողովուրդին»։
