image

«Կը փորձեն ոչնչացնել Ասորիներու եկեղեցիները» Բաց նամակ ՀՀ Վարչապետին եւ Ամենայն Հայոց Կաթողիկոսին

«Կը փորձեն ոչնչացնել Ասորիներու եկեղեցիները» Բաց նամակ ՀՀ Վարչապետին եւ Ամենայն Հայոց Կաթողիկոսին

Ազգային փոքրամասնութիւններ համակարգող խորհուրդի անդամ, ասորական համայնքի ներկայացուցիչ Իրինա Սաքրատովա-Գասպարեան իր ֆէձսպուքեան էջին մէջ հրապարակած է բաց նամակ ուղղուած Ամենայն Հայոց կաթողիկոսին եւ վարչապետ Նիկոլ Փաշինեանին՝ ներկայացնելով ասորական մատուռի հետ կապուած խնդիրը.

«Ն.Ս.Օ.Տ.Տ. Գարեգին Բ. Ամենայն Հայոց կաթողիկոսին եւ

ՀՀ Վարչապետ պարոն Նիկոլ Փաշինեանին

Մեծարգոյ Ամենայն Հայոց կաթողիկոս

Յարգելի պարոն վարչապետ

18․06․2019 թ․ դիմած էինք Ձեզի՝ իբրեւ վերջին հնարաւորութիւն՝ լուծելու ասորական եկեղեցւոյ եւ մատուռի` հայ քահանայի կողմէն  գրաւուելու հարցը։

Սակայն այսօր 18․07․2019 թուականն է, եւ Ձեր կողմէ  ոչ մէկ արձագանք չկայ, իսկ տէր Միքայէլ քահանայ Նուրիճանեանն իր տիկնոջ հետ (որ Տիմիդրով գիւղի դպրոցի տնօրէնն է) այսօր ասորական եկեղեցւոյ մէջ կ'այրէին ասորական սրբապատկերները, մեր խաչը, իսկ միւս խաչը նետուած էր  անկիւն մը եւ այլն։ Ան կը փորձէ ոչնչացնել ասորական ժողովրդին այն հետքերը որոնք կը փաստեն եկեղեցւոյ պատկանելիութիւնը:  Սակայն այդ հնարաւոր չէ, քանի որ գոյութիւն ունին նաեւ պատմական փաստաթուղթեր։

Այժմ պատկերացուցէք թէ հայ ժողովուրդը՝ ի դէմս տէր Միքայէլ քահանայ Նուրիճանեանի եւ իր տիկնոջ, ո՞ր ազգին կը նմանին, իսկ Հայաստանի իշխանութիւնը եւ Հայ Առաքելական եկեղեցի Մայր Աթոռ Սուրբ Էջմիածինն այդ կապակցութեամբ կը լռեն։

Եթէ ճիշդ հասկցած ենք, այդ ամէնը ոչնչացնելու հրահանգը տէր Միքայէլ քահանայ Նուրիճանեանը ստացած է Հայաստանի իշխանութենէն եւ Հայ Առաքելական եկեղեցի Մայր Աթոռ Սուրբ Էջմիածինէն։

Քանի որ մենք Ձեզմէ պատասխան չենք ստացած, ինչ որ հիմա սովորական երեւոյթ դարձած է, ապա 22 յուլիսին պիտի դիմենք Ռուսաստանի, ԱՄՆ-ի դեսպանատներու եւ ասորական բոլոր միջազգային կազմակերպութիւններուն այն յայտարարութեամբ, որ Հայաստանի մէջ, չի բաւեր որ կը գրաւեն ասորական եկեղեցիները, նաեւ կ'ոչնչացնեն ասորական ժողովուրդին պատկանելիութեան հետքերը։

Ի՞նչպէս դուք ձեզի թույլ կու տաք, որ Հայաստանի մէջ կիրառկուի սպիտակ եղեռն ասորի ժողովրդի նկատմամբ»։