image

Մայրաքաղաք Պէյրութը այսօր պիտի անդամալուծուի

Մայրաքաղաք Պէյրութը  այսօր պիտի անդամալուծուի

 Լիբանանի մայրաքաղաք   Պէյրութը այսօր դժուար ժամեր պիտի ապրի։  Մայրաքաղաք տանող  բոլոր գլխաւոր   ճանապարհները  առաւօտեան  կանուխ ժամերէն  հետեւանքով  փակուած  են, որուն հետեւանքով ալ մեծ  թիւով քաղաքացիներ   պիտի չկարողանան  որոշուած  ժամուն իրենց  գրասենեակները կամ աշխատավայրերը  հասնին։

 Նշենք, որ   լիբանանեան  բանակի նախկին զինծառայողներ եւ սպաներ  (իրենց ծառայութիւնը   աւարատած եւ հանգստեան  կոչուած) կը կանգնին   այս   բողոքի շարժումի ետին կառավարութենէն պահանջելով վերատեսութեան ենթարկել    իրենց ծառայութիւնը աւարտած   զինուորականներուն  պետական   նպաստի  ընդհանուր քաղաքականութիւնը։

 Ըստ   RLL  կայանին այսօր  առաւօտեան  ժամը  5-էն  սկսեալ փակուած   են   Պէյրութ  տանող  գլխաւոր Նահմէյի, Տահր ալ պայտարի,  Գազինո  տիւ լիպանի  եւ այլ       ճանապարհներ, որուն հետեւանքով  ալ  յառաջիկայ  ժամերուն  մայրաքաղաք  հասցնող    հիմնական բոլոր  ճանապարհները  գրեթէ  պիտի  անդամալուծուին։

 

 Յիշեցնենք, որ  այս առաջին անգամը չէ, որ  բանակի    նախկին  զինուորականները   նման  բողոքի ալիք կը բարձրացնեն եւ  կառավարութենէն կը պահանջեն  վերատեսութեան  ենթարկել տնտեսական   վերջին տնօրինումները, որոնք  կատարուած  էին   երկրի պիւտճէական     բացը  կարգի  բերել։

  Վարչապետ Հարիրիի կառավարութիւնը   յայտնուած է տնտեսական  բարդ   մարտահրաւէրներու  առջեւ, որոնց դիմած  ալ  կառավարական մարմիններ   առաջ կը  քաշեն  ծախսերն  ու վճարումները   սահմանափակելու        քաղաքականութիւն մը։