Երէկ երեկոյան յայտնի դարձած է, որ ռուսական հետախուզական «Իլ-20» օդանաւ մը անհետացած է Սուրիոյ մէջ։ Օդանաւին մէջ գտնուած են 14 զինծառայողներ, անոնց ճակատագիրը կը մնայ անյայտ։
Ռուսաստանի պաշտպանութեան նախարարութիւնը կը հաղորդէ, որ ինքնաթիռն անհետացած է Միջերկրական ծովու օդային տարածքէն՝ Սուրիոյ ուղղուած իսրայէլական օդուժի հարուածներու եւ ֆրանսական «Auvergne» հածանաւէն հրթիռներու արձակման ժամանակ։
Սուրիական ափէն 35 քմ հեռաւորութեան վրայ՝ Հմեյմիմ ռազմակայան վերադարձի ժամանակ օդանաւն անհետացած է ռատարներէն, երբ իսրայէլական 4 F-16 ինքնաթիռներ հարձակում գործած են Լաթաքիոյ մէջ սուրիական կառոյցներու վրայ։
Ռուսական օդուժի հրամանատարութիւնը որոնողա-փրկարարական գործողութիւն կազմակերպած է:
Իսրայէլական կողմը հրաժարած է մեկնաբանել տեղի ունեցածը: