Երէկ, 12 սեպտեմբերին, Բրիտանիոյ մամուլի էջերուն լոյս տեսած յօդուածներու եւ վերլուծութիւններու զգալի մասը յատկացուած էր Իտլիպի դէմ սպասուող ռազմական գործողութիւններուն:
«Times» թերթի լրագրող Ռոժըր Պոյս իր յօդուածին մէջ նշած է, որ Փութին օգտուելով արեւմտեան տարբեր երկիրներու հետաքրքրութեան շրջանակներու այլազանութեան առիթէն, յաջողեցաւ խաղի բերել Արեւմուտքն ու Միջին Արեւոլքի մէջ իր շահերն ապահովել:
Որպէս օրինակ, Պոյս նշած է, որ ԱՄՆ-ի եւ Իսրայէլի հիմնական խնդիրը իրանեան ուժերը Սուրիայէն հեռացնելու հարցն է, մինչդեռ Սուրիոյ շրջակայ երկիրներու հետաքրքրութիւնը կեդրոնացած է Սուրիոյ մէջ պատերազմական գործողութիւններու աւարտին վրայ: