Ռուսիոյ Պաշտպանութեան նախարարութիւնը յայտարարած է, որ մօտ օրէն շուրջ 1,7 միլիոն սուրիացի գաղթական հնարաւորութիւն պիտի ունենայ տուն վերադառնալ, նշելով, որ յիշեալ գաղթականներու տունդարձը համակարգող առաջարկներու ցուցակն ուղարկուած է Ուաշինկթըն, ի կատարումն երկու երկիրներու նախագահներուն միջեւ կայացած որոշման:
«Lebanon 24» լրատուական կայքին փոխանցմամբ, Ռուսիոյ պաշտպանութեան հարցերով ազգային կեդրոնի նախագահ Միխայիլ Մեզինցեւ յայտնած է, թէ Մոսկուա առաջարկած է համատեղ յանձնաժողով մը կազմել, Սուրիոյ ենթակառուցուածքային համակարգի վերաշինութեան համար, դիտել տալով, որ Փութին-Թրամբ հանդիպման ժամանակ ստորագրուած համաձայնագիրները մեծապս պիտի նպաստեն նշուած ոլորտի զարգացման: