Կիրակոս Գույումջյանի գործնական առաջարկը՝ սփյուռքահայերին (Տեսանյութ)... Ամենայն Հայոց Կաթողիկոսը հանդիպում ունեցավ Եգիպտոսի և ԱՄՆ Հայոց Արևմտյան թեմերի ուխտավորների հետ... Եգիպտոսի Մշակույթի առաջին կին նախարարը հայտնի ֆլեյտահարուհի է... Հայերը Սևծովյան շրջանում, Բութանիայում ու Թրակիայում․ համառոտ պատմություն...
Փաբերի աշխատանքի սահմանափակումը հարված է զբոսաշրջությանը. Լիբանանահայ գործարար
Փաբերի աշխատանքի սահմանափակումը հարված է զբոսաշրջությանը. Լիբանանահայ գործարար
01 July 2018 , 23:26

Երևանի մի շարք գարեջրատների ու փաբերի աշխատակիցներ անակնկալի են եկել, երբ վերջին օրերին երեկոյան ժամերին իրենց են այցելել մի խումբ ոստիկաններ ու կարգադրել այսուհետև ուշ ժամերի՝ երեկոյան 23.30-ից հետո դադարեցնել աշխատանքը: Այս մասին «Արևելք»-ին հայտնեց լիբանանահայ Սևակ Դավիդյանը, որ 8 տարի առաջ վերադառնալով հայրենիք՝ որոշել է փաբ հիմնել:

«Մեր առջև այս խնդիրը միշտ էլ կար, նորություն չէր, բայց այս օրերին միանգամից սրվեց ոստիկանության միջոցով, ինչը զարմանալի էր:  Ամեն տարի 24 ժամվա արտոնագիր է տրվում մեզ, բայց  վերջին շրջանում ոչ մեկին չի տրվել: Միանգամից եկել և դրել են այս խնդիրը: Չէինք սպասում»,-ասում է Սևակ Դավիդյանը:

Նա մասնագիտությամբ ֆոտոլրագրող է, բայց, վերադառնալով Հայաստան, ընտրել է այս բնագավառը, որի շնորհիվ պահում է ընտանիքը և նպաստում  երկրում փոքր ու միջին բիզնեսի, ինչպես նաև՝ զբոսաշրջության զարգացմանը: Մտահոգություն է հայտնում, որ փաբերը երեկոյան ժամերին զբոսաշրջիկների այցելության հիմնական վայրերն են և ըստ նրա, եթե երեկոյան 11.30-ից հետո դադարեցնեն գործունեությունը, այլևս անիմաստ կլինի այն շահագործել:

«Եթե մենք ուզում ենք նոր Հայաստան կերտել ու նոր սկիզբ դնել, դրա համար առաջին բանը, որ հայտարարեց կառավարությունը, փոքր և միջին բիզնեսի գործունեությունը խթանելն էր, զբոսաշրջությունը զարգացնելու
հարցն է: Երևանի կենտրոնում գտնվող մեր փաբը միջազգային ճանաչում ունի,  տուրիստները գալիս են մեզ մոտ, այդ խավն է մեր հիմնական այցելուն:  Իսկ զբոսաշրջիկը գալիս է այդ ժամից հետո, երբ իր ցերեկային ծրագիրն ավարտում է, նա  երեկոյան 11-ից հետո տեղ չունի գնալու, մի քանի կարաոկե  և սթրիփթիզ  կա, այսինքն՝ մենք այդ մշակո՞ւյթն ենք ցույց տալու տուրիստներին: Ինչ վերաբերվում է աղմուկին, ապա կոնկրետ մեր փաբի վերևում  ոչ մեկը չի ապրում,   գրասենյակային տարածք է, 8 տարի է՝ այնտեղ ենք, աղմուկ չենք հանում, չեմ հասկանում՝ մեկ օրվա մեջ բոլոր փաբերը աղմո՞ւկ են հանել»,- իր զարմանքն է հայտնում երիտասարդ գործարարը:

Ըստ նրա,  իրենք ամեն տարի 75 հազար դրամ են վճարել՝ գործունեություն իրականացնելու համար, սակայն դրա դիմաց փաստաթուղթ չեն ստացել, վերջին շրջանում դադարել են այդ վճարումները կատարել, իսկ քաղաքապետարանը հիմա, երբ նոր իշխանություն է, որոշել է այլ կերպ գործել: Նման եզրահանգման են եկել փոքր ու միջին բիզնես իրականացնողները: Սևակն ասում է.

«Ես կարծում եմ, որ սա  քաղաքապետարանի հետ է կապված, այս խնդիրը մենք նոր իշխանության հետ ոչ մի ձևով չենք կապում, կապում ենք Տարոն Մարգարյանի աշխատաոճի հետ, որը  լիցենզիաներ է տվել, ինքն էլ չգիտի ինչպես: Փորձում են նոր իշխանությանը  մեջտեղ հանել, որ ասեն՝ տե՛ս,  հայտարարել ես, որ փոքր ու միջին բիզնեսներին  պիտի աջակցես, բայց չես անում: Ամենակարևոր ոլորտն է, որ մեկ միլիոնից ավելի տուրիստների է սպասարկում: Կասկադում գնացել են, ասել են ժամը 11-ից հետո բաց չլինի, այսինքն՝ ի՞նչ պետք է անեն փաբի տերերը, այլընտրանքը չեն առաջարկել, կամ էլ երկու փողոց թող տան միայն փաբերի համար, գնանք այնտեղ աշխատենք»,-ասում է Սևակ Դավիդյանը, նշելով, որ դիմելու են քաղաքապետարան, նախ՝ արտոնագրի համար, եթե չընդառաջեն՝ ուրիշ քայլերի են գնալու, շատերն արդեն մտածում են փաբերը փակելու և երկրից գնալու մասին: «Սակայն մենք շատ հայրենասեր մարդիկ ենք, եկել ենք, որ երկիրը զարգացնենք, մեր հնարավորությունների չափով ինչ-որ մի ներդրում անենք»,-ասում է երիտասարդ լիբանանահայը:

Մինչև  վերջնական որոշման հանգելը, ասում է, որ փորձելու ե հայտարարություններով ոչ  միայն հասարակության, այլև նոր իշխանության ուշադրությունը հրավիրել իրենց խնդրի վրա:

Լրահոս
Ամենաընթերցվածը
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture