Պատասխանատվություն, բայց միայն օրենքի սահմաններում. Լիբանանահայ պատգամավոր Հակոբ Բագրատունի... Բելգիայի թագավորն ու թագուհին երեխաների հետ ոչ պաշտոնական այց են կատարել Հայաստան... Եգիպտոսի Մշակույթի առաջին կին նախարարը հայտնի ֆլեյտահարուհի է... Հայերը Սևծովյան շրջանում, Բութանիայում ու Թրակիայում․ համառոտ պատմություն...
Հարութ Սասունյանը՝ «Ավրորա»-ի ծախսերի մասին. Արդարացվա՞ծ են քննադատությունները
Հարութ Սասունյանը՝ «Ավրորա»-ի ծախսերի մասին. Արդարացվա՞ծ են քննադատությունները
12 June 2018 , 00:57

Երեկ տեղի ունեցավ «Ավրորա» 2018թ մրցանակաբաշխությունը, երրորդ դափնեկիր ճանաչվեց իրավաբան եւ ակտիվիստ Չո ԼաԱունը՝ այն նվիրումի համար, որով նա պայքարել է մյանմացի ռոհինջա ժողովրդի հավասարության, կրթության եւ մարդու իրավունքների համար:

Հայոց Ցեղասպանությունը վերապրողների անունից՝ ի երախտագիտություն այն մարդկանց, ովքեր բացառիկ դեր են ունեցել մարդկային ճակատագրեր փրկելու գործում, ամեն տարի շնորհվում է «Ավրորա»մրցանակ: Նախաձեռնություն, որն սկիզբ առավ 2015 թ-ին աշխարհահռչակ երեք հայերի՝ Վարդան Գրեգորյանի, Նուբար Աֆեյանի և Ռուբեն Վարդանյանի ջանքերով:

 

«Ավրորա»-ի դափնեկիրները, որպես կանոն, ստանում են 100 հզր դոլարի պարգև, ևս 1 մլն դոլար հատկացվում է՝ թույլ տալով շարունակել նվիրատվության շղթան: Արդյո՞ք Հայաստանը չափազանց թանկ չի վճարում մարդասիրական նման ձեռնարկի համար, որը, անկախ ծավալներից, միանշանակ չի ընդունվում հասարակության որոշ խավերի կողմից:

Ամերիկահայ հասարակական գործիչ, գրող, «Կալիֆորնիա Կուրիեր»(The California Courier) թերթի գլխավոր խմբագիր Հարութ Սասունյանը կարծում է, որ ոչ: «Արևելք»-ի հետ զրույցում նա դեմ է արտահայտվել այն քննադատություններին, որոնք հնչում են «Ավրորա»-ի ֆինանսական ծախսերի շուրջ:

 

«Էս նմանում է խոսակցության, որ Սուրբ Գրիգոր Լուսավորիչ տաճարը կառուցվում էր, կարծեմ 15 մլն դոլար հատկացվեց, մարդիկ ասում էին, որ ավելի լավ չէ՞ր, որ գումարը հատկացվեր մարդասիրական ծրագրերի, քան թե եկեղեցու: Բայց այդ մարդիկ, որ փողը տվեցին, իրենք նաև փող տալիս էին շատ մարդասիրական ծրագրերի, և սա միակը չէր»,-ասում է Սասունյանը:

 

Նախաձեռնությունը ֆինանսավորող անձինք իրականացնում են բազմաթիվ այլ ծրագրեր արդեն Հայաստանի համար, հետևաբար այս միջոցների նման ծախսն էլ արդարացված է, համոզված է մեր զրուցակիցը: Բացի դրանից, գումարն իրենց անձնական վաստակն է: «Ամեն մարդ ինքը պետք է որոշի, թե ինչպես ծախսի այդ փողը: Ուրիշ մարդիկ կարող են կարծիք հայտնել, բայց երկրորդական է, իրենք են որոշում՝ ոնց ծախսեն իրենց փողը»,-ասում է «Կալիֆորնիա կուրիեր» թերթի խմբագիրը:

Նախաձեռնության գաղափարն ու Հայոց Ցեղասպանության հարցի շուրջ նման մակարդակի բարձրաձայնումն, ըստ նրա,  արդարացնում են ծախսերը: Նախաձեռնությունը դրական տպավորություն է թողնում, գաղափարը կարևորում է Սասունյանը՝ ասելով. «Մրցանակի նախաձեռնողներն ասում են, որ քանի որ Ցեղասպանության ընթացքին շատերը մեզ օգնել են, մենք էլ հիմա այդ օգնությունը վերադարձնում ենք ուրիշներին օգնելով»:

Վստահ է, որ սա նպաստում է Հայոց Ցեղասպանության հարցի արծարծմանն ավելի մեծ մասշտաբներով, իսկ միջոցառումը, որն անցկացվում է Հայաստանում, բերում է նաև այլ օգուտներ: Մանրամասնում է.

«Բավական աշխատանքներ են տարել կազմակերպիչները, որպեսզի այս նախաձեռնության մասին միջազգային մամուլում տարածվի, մարդիկ լսեն: Տարբեր երկրներից մարդիկ այցելում են Հայաստան, Ցեղասպանության հուշարձան-թանգարան, հիշարժան վայրեր, տեղեկանում են Հայաստանի մասին, և երբ վերադառնում են, խոսում են Հայաստանի մասին իրենց երկրներում, գրվում է, թե իրենք Հայաստան գնացին, մրցանակ շահեցին»:

«Մանավանդ որ այս ծրագրի ժյուրիի անդամները, ղեկավարությունը աշխարհահռչակ մարդիկ են, զանազան երկրների դատավորներ, նախագահներ, բարձրաստիճան պաշտոնյաներ, և այդ մարդիկ նաև զբաղվում են այս ծրագրով, որոշումներ են առնում, Հայաստան են գալիս, ելույթներ են ունենում, այդ մարդոց գործունեությունը և հայտարարությունները աշխարհով մեկ տարածվում են միջազգային մամուլով, դա շատ դրական է ոչ հայկական շրջանակների համար»,-ասում է ամերիկահայ գործիչը:

Լրահոս
Ամենաընթերցվածը
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture