Հալէպի «Տուար ալ սալիհին» շրջանին մէջ հրդեհ մը ծագած է: Այս մասին տեղեկութիւնը տրուած է Հալէպի մասին տեղեկութիւններ տարածող դիմատետրի էջ մը: Աղբիւրը նաեւ կը գրէ, որ հրդեհը ծագած է նշեալ շրջանին մէջ գործող ելեքդրական շարժակի մը մէջ:
Հրդեհին հետեւանքով մարդկային տոյժեր չկան եւ քաղաքացիական պաշտպանութեան մարմիններ յաջողած են արագօրէն մարել հրդեհը:
Նշենք, որ Հալէպը հարուածած արիւնալի պատերազմին հետեւանքով քաղաքին մէջ ընդունելի երեւոյթ դարձած «թաղային շարժակներ»ու միջոցաւ քաղաքացիներուն ելեքդրական հոսանք տրամադրելը եւ շատ մը պարագաներու այդ շարժակները պետական մարմիններու հովանաւորութիւնը չեն վայելեր: