Հինգշաբթի 7 Դեկտեմբեր 2017-ին, Հայաստանի Շիրակի մարզի՝ Կիւմրիի Սրբոց Նահատակաց աթոռանիստ եկեղեցւոյ մէջ հոծ բազմութեան ներկայութեամբ՝ տեղի ունեցաւ Ս. և Անմահ Պատարագ` նուիրուած՝ Կիւմրիի երկրաշարժի 29-րդ տարելիցին:
Պատարագը մատուցեց` Զմմառու Պատրիարքական Կղերի Միաբաններէն`Կիւմրիի Սրբոց Նահատակաց աթոռանիստ եկեղեցւոյ ժողովրդապետ՝ Գեր. Հ. Մաշտոց Վրդ. Զահթերեան:
Հայր Սուրբը` իր քարոզին մէջ մատնանշեց հայուն նկարագրային խառնուածքին և անվեհեր կամքի բնորոշ գիծը միեւնոյն ժամանակ ապագայի միտուած փայլուն հեռահար ծրագրեր ուրուագծելով եզրափակեց օրուան պատգամը:
Հոգեպարար արարողութենէն ետքը տեղի ունեցաւ հոգեհանգստեան պաշտօն, որ նախագահեց Փանիկ գիւղի ժողովրդապետ՝ Գերյ. Հ. Գառնիկ Ծ.Վ. Յովսէփեան, ինչպէս նաեւ մասնակցեցաւ Հ. Եղիա Վրդ. Դերձակեան՝ Հովտուն եւ Արփենի գիւղերու ժողովրդապետ: Հոգեհանգստեան արարողութեան աւարտին Հ. Գառնիկ օրհնեց նաեւ լաւաշի հացի կտորները առ ի նշան կեանքի գոյատեւութեան, զոր բաժնուեցաւ բոլոր ներկաներուն: