14.09c
Երեվան
ուրբ, ապր 19
Երէկ տեղի ունեցած Մոնտիալ 2018-ի զտումի մրցումներու ծիրէն ներս, Սուրիա Իրանի հետ երկու հաւասար արդիւնք մը գրանցելով անցած է յաջորդ փուլ:
Տեղին է նշել, որ խաղի աւարտին հաւասարութեան կոլը նշանակած է սուրիահայ մարզիկ՝ Մարտիկ Մարտիկեան: Լաթաքիահայ Մարտիկեան խաղի վերջին վայրկեաններուն յաջողած է գնդակը բարեյաջող կերպով ուղարկել իր ընկերոջ, որն իր կարգին նշանակած է Սուրիոյ հաւասարութեան կոլը:
Հայազգի ֆութպոլիստը, խօսելով Սուրիոյ պետական ալիքին, ըսած է. «Ամենակարեւոր բանը, որ այսօր իրագործեցինք, յաջորդ փուլ անցնիլնիս էր: Մենք միացեալ ոգիով կը խաղանք: Կը խաղանք Սուրիոյ համար, կը խաղանք Սուրիոյ ժողովուրդին եւ երեխաներուն համար, եւ բոլոր աշխարհին: Փառք տանք Աստուծոյ այս յաղթանակին համար եւ վստահ եմ, որ այս յաղթանակը իրականացաւ, նաեւ Սուրիոյ ժողովուրդին մաղթանքներուն շնորհիւ: Յոյսով եմ որ կրնանք բան մը յաջողցնել, որ վայել ըլլայ Սուրիոյ անունին: Յոյսը դեռ կայ որ Սուրիա մասնակցի Մոնտիալի բաժակին եւ ես վստահ եմ, որ Սուրիան իր յոյսը չէ կորսնցուցած ոչ մէկ բանի մէջ»:
