Գերմանիոյ զարգացման նախարարը՝ Կըրտ Մուլլէր յայտարարեց թէ Գերմանիոյ կառավարութիւնը արդէն սկսած է աշխատիլ այն ծրագիրին վրայ, որուն շնորհիւ կառավարութիւնը պիտի վերադարձնէ Սուրիայէն հասած 200,000 փախստականներ՝ դէպի Սուրիոյ ապահով շրջանները:
Մուլլէրը բացայայտեց, որ Սուրիոյ հարաւ –արեւմտեան շրջանին մէջ հաստատուած զինադադարը՝ ԱՄՆ-ի եւ Ռուսաստանի համաձայնութեամբ, յոյս կ’առաջացնէ, որ Սուրիոյ մէջ պատերազմը պիտի դադրի:
Ան ըսաւ, որ Գերմանիոյ կառավարութիւնը յատուկ ծրագիրի մը միջոցաւ՝ 200,000 փախստական պիտի վերադարձնէ Սուրիա, սակայն՝ Գաղթականութեան եւ Փախստականներու հարցերու պատասխանատու Դաշնային Գրասենեակը տակաւին չէ հաստատած ծրագիրը:
Զարգացման նախարարը նշեց թէ Սուրիոյ հարաւի վիճակը յարմար է սուրիացի փախստականները վերադարձնելու ազատագրուած եւ ապահով շրջանները: