image
Հրատապ լուրեր:

Այսօր Լիբանանի անզուգական Սուրբին ՝ Սուրբ Շարպէլի տօնն է (Տեսանիւթ)

Այսօր   Լիբանանի  անզուգական    Սուրբին ՝ Սուրբ  Շարպէլի  տօնն է (Տեսանիւթ)

Լիբանանի քրոստոնեայ    համայնքներն ու   Մարոնիթ եկեղեցին այսօր կը նշեն  Սուրբ Շարպէլի  տօնը:  Հարիւրաւոր        հիւանդներու բժշկութեան    միջնորդ  համարուած Հայր  Շարպէլ   Մախլուֆ   ծնած    է   1828-ին    Լեռնալիբանանի   հեռաւոր գիւղի մը՝  Պըքահ Քաֆրայի մէջ:   Կրօնական  կրթութիւն  ստանալէ եւ  կուսակրօն քահանայ դառնալէ ու  երկար   տարիներ  քահանայագործելէ ետք  1875 -ին իր մեծաւորներէն կը խնդրէ  ընդունիլ  իր աղօթքներն ու փափաքը մուտք գործելու Աննայա  վանքի մենաստան  եւ  ամբողջ     23 տարի կ'անցընէ լռութեան եւ աղօթքներու մէջ դառնալով    այդ  դարաւոր վանքի     մենաւոր  հայրերէն մին:


 


 

Վանական  Շարպէլի  հանգչումէն   եւ թաղուելէ ետք ամբողջ 45 օր անոր շիրիմը     կը լուսաւորուի եւ         վանքի  պատասխանատուները  անբացատրելի կը համարեն   պատահածը:  Երկար   ժամանակ   տեղի  կ'ունենան  սրբագործութիւններ եւ  առաջին անգամ   1926  թուականին  Պատրիարք   Էլիաս   Հոուայէքի հրամանով կը բացուի անոր շիրիմը, ուր ի յայտ կու գայ, որ      սուրբին մարմինը պահպանուած է ու անոր մարմնէն արիւնախառն  հեղուկ մը կը ծորի:  Կը  փոխադրուի   այլ շիրիմ  ու տարիներ անց         դարձեալ անոր շիրիմը կը բացուի այս անգամ  1950-ին եւ   շիրիմը բացողները   ականտես կ'ըլլան նոյն  վիճակին՝  սուրբին մարմինը պահպանուած է եւ կը շարունակէ   արիւնախառն հեղուկ մը ծորիլ: Այս միջոցին   տեղի կ'ունենան սրբագործութիւններ    եւ   այդ բոլորին հիմքով  միաբանութեան     մեծաւորներ   յարմար կը համարեն   ընթացք տալ եւ Վատիկանին  դիմել  իրականացնելու համար անոր սրբացման  գործընթացը:

 

Յետ երկար եւ մանրակրկիտ գործընթացներու     1965   թուականին   Շարպէլ   երանելիութեան  աստիճանի  կը բարձրացուի   այդպիսով դառնալով հազարաւոր     հաւատացեալներու      բարեխօսն ու միջնորդը:   Աւելի ուշ    1977 Պօղոս  Զ.   Պապին հրամանով Շարպէլ   Մախլուֆ կը սրբադասուի:

Վանքը, ուր ապրած  ու գործած է Սուրբ Շարպէլը,   ցայսօր կը համարուի  Լիբանանի ամէնէն      յայտնի  ուխտատեղիներէն   մին , ուր ամէն  տարի աշխարհի չորս ծագերէն  եկող հաւատացեալներ աղօթասացութեան եւ   բուժուելու նպատակով   կ'այցելեն Աննայա :  Վանքի  ներքին սրահներուն եւ  Սուրբ Շարպէլի  դամբարանին մօտ     տեղադրուած ու տեսանելի են   այն հարիւրաւոր անդամալոյծներուն ասաները, որնք Աննայա  գալէ եւ իրենց ուխտը կատարելէ ետք  սկսած  են քալել  ու   բժշկականօրէն   համարուած են    ամբողջապէս   բուժուած ու առողջացած:

Ամէն տարուան    յուլիսի երրորդ  կիրակին  կը համարուի Սուրբ Շարպէլի տօն ու այդ առիթով Մարոնիներու պատրիարքին  կողմէ կը մատուցուի սուրբ եւ անմահ պատարագ, որուն ներկայ կ'ըլլան երկրի  նախագահն ու        եկեղեցական եւ քաղաքական    ընտրանին:

Շարպէլ Մախլուֆ այս    անզուգական  Սուրբը կը համարուի ՝ Սուրբ Շարպէլը  Լիբանանի: