image

Քանզի մեռած չէք...

Քանզի  մեռած չէք...

Մահախօսական

Կամ դամբանական չէ

Զոր կը գրեմ այստեղ

Համակարգիչիս վրայ,

 

Քանզի մեռած չէք:

 

Սգագիր չէ

Այս արցունքներու մէջ խեղդուած տողերը:

 

Ձեր երգով,

Ձեր նուիրումով,

Հերոսացաք,

Անմահացաք:

 

Ուխտեցիք կռուիլ,

Եւ սիրով մեռնիլ,

Որովհետեւ համոզուած էիք,

Որ հողն էր մեր փրկութիւնը:

 

Չէք մեռած.

Կ՛ապրիք:

 

Եւ ձեր սրտերը

Կը բաբախեն

Հիմա եւ միշտ

Մեր կուրծքերուն տակ,

 

Մեզի համար:

 

Մահախօսական

Կամ դամբանական չէ

Զոր կը գրեմ այստեղ

Համակարգիչիս վրայ,

 

Քանզի մեռած չէք:

 

 Գրեց ՝ Ռուբէն Ճանպազեան