image

Ողջ աշխատանքային տարիներուդ դուն եղած ես Հալէպի հայ համայնքի և ինչու ոչ՝ տեղացի արաբ ժողովուրդի ամենավստահելի և ամենասիրելի բժիշկներէն մին

Ողջ աշխատանքային տարիներուդ դուն եղած ես Հալէպի հայ համայնքի և ինչու ոչ՝ տեղացի արաբ ժողովուրդի ամենավստահելի և ամենասիրելի բժիշկներէն մին

 

Գրիգոր Տարակճեան

Շնորհաւոր 80-ամեակդ, սիրելի՛ Մերուժ...

Բարի տարեդարձ, սիրելի ու անկեղծ ընկեր, իմաստուն բժիշկ և շատ մարդկային անձնաւորութիւն... Քու ողջ աշխատանքային տարիներուդ դուն եղած ես Հալէպի հայ համայնքի և ինչու ոչ՝ տեղացի արաբ ժողովուրդի ամենավստահելի և ամենասիրելի բժիշկներէն մին... Իսկ ժողովուրդի վստահութիւնն ու սէրը ամենամէծ գնահատանքն է ցանկացած բժիշկի:

2013-ին, երբ հայրենիք վերադարձար, սիրայօժար ընդունեցիր աշխատիլ եօթ բժիշկներէ կազմուած բժշկական կամաւորական խմբակի հետ, ծառայելու քու ազգի զաւակներուն, որոնք տեղափոխուած էին հայրենիք... Նոյնպէս ACMA բարեսիրական կազմակերպութեան հետ կը մէկնէիր գիւղերը, օգնելու համար տեղացի ազգակիցներուդ:

2017-էն ի վեր, կը ծառայենք ՀԲԸՄ-Քլոտիա Նազարեան բժշկական կեդրոնի մէջ, ուր մեր յարաբերութիւնները աւելի մտերմիկ դարձան... Քու մէջ գտանք իր գործին քաջ գիտակ, նուիրուած բժիշկը, հոյակապ մարդը, քու մարդկային, մասնագիտական, ընկերական և հայրական վերաբերմունքով... անվերապահօրէն և արդարօրէն կը վայելես բոլոր հիւանդներուն և քու ընկերներուն սէրն ու յարգանքը:

ՀԲԸՄ-Քլոտիա Նազարեան բժշկական կեդրոնի աշխատակիցներուն կողմէ, կը շնորհաւորենք քեզ՝ ազնիւ ու բարի մեծատառով մարդուն...
Թող մեր ժողովուրդը քեզ նմաններ շատ ծնի... Երկար և առողջ կեանք, մեր շատ սիրելի՛ Մերուժ: