Ֆրանսիայի Սենատն ի օգուտ Արցախի պատմական որոշում կայացրեց... Նոյեմբերի 28-ին դուրս կբերվի Աստվածամուխ Սուրբ Գեղարդը... Բեյրութի նավահանգստի պայթյունի հետեւանքով զոհվածներից 43-ը սիրիացիներ են... Ու՞ր էիր Աստված...
Նկարչուհին փնտրում է որդուն. «Ու՞ր ես իմ լույս, իմ քաղցր, իմ արև»
Նկարչուհին փնտրում է որդուն. «Ու՞ր ես իմ լույս, իմ քաղցր, իմ արև»
13 November 2020 , 13:37

Նկարչուհի, արվեստագետ Գայանե Ղարդյանն ու նրա ընտանիքը հոկտեմբերի 1-ից լուր չունեն պատերազմի օրերին  Արցախում գտնված իրենց որդուց՝ ժամկետային զինծառայող Սողոմոն Վարդանյանից: Նկարչուհին հուզիչ գրառում է կատարել. 

 


 

Ու՞ր ես իմ լույս, իմ քաղցր, իմ արև, ո՞ր սարում, ո՞ր ձորում, ո՞ր ծերպում, անտառու՞մ ես, ուր թշնամին կրակ էր թափում, անկլավու՞մ ես՝ թուրքով շրջապատված, թե մնացել ես գրավված տարածքում, գերի՞ ես, մենա՞կ ես, թե ընկերներիդ հետ, վիրավո՞ր ես, քնա՞ծ ես, թե արթուն, ծարա՞վ չես, ծունկդ մի կերպ լավանում էր, հո չի՞ ցավում, քիթդ հո չի՞ փակվել էլի, շնչառությունդ ո՞նց ա, ու՞ր ես, իմ քաջ, իմ ազնիվ, իմ ուրախություն։ Չգիտե՞ս որ չեմ ուզի ապրել առանց քեզ։

Աստված իմ, Տեր, ես եմ բերել պատերազմը, ներիր ինձ, բեր իմ որդուն, իմ, Հիսուսի տղային, աղաչում եմ, բեր, հավատում եմ, որ քեզ համար անկարելի ու անհնարին ոչինչ չկա, չէ՞ որ դու ես Արարիչը՝ Հա՛յր աստված, չէ՞ որ դու ես Փրկիչը՝ Տեր իմ պաշտելի, Հիսու՛ս Քրիստոս, Մխիթարիչը՝ Սուրբ Հոգի՛դ Աստված։

Ընկեր-ծանոթ-ֆռենդ-բարեկամ, դուք էլ եք մեղավոր, որ իմ տղան չեկավ մինչև հիմա, տղայիս մա՞հը ուզեցիք, անտարբեր եղաք, չմաղթեցիք, որ գա, դու՛ք, որ զինվորի նկարներ էիք փոստում ձեր էջերում, իմ տղան էլ ա զինվոր, էն էլ ի՜նչ քաջ ու ազնիվ զինվոր, ինչու՞ չեք մաղթում, որ գտնվի տղաս, ինչու՞ չեք աղոթում, հավատացյալ-քրիստոնյաներ, աթեիստ-հեթանոսներ, բոլոր-բոլորդ. Հեշտ ա չէ՞ անծանոթ զինվորի սիրել, մեռնեմ ջանիդ ասել, ինչու՞ սրտանց չեք մաղթում, կամենում, որ իմ տղան գա։

Դեռ սպասում եմ, խոսում, քննարկում, հաց ուտում, ջուր խմում, գրում եմ, որ փոստեմ, մեկ-մեկ նույնիսկ ուտելիք եմ սարքում-եփում, որ Կամոն չկոտորվի, որ Շողան մի բան ուտի, տաք ու փափուկ բան եմ վերցնում ուտում, աղոթում եմ, ծիծաղելիս, մտնում եմ տաք անկողին ու քնում տաք-տաք, իսկ իմ տղան 48 օր քարերին ա քնում, իմ տղան մրսում ա, իմ տղան առո՞ղջ ա, իմ տղան ու՞ր ա։
Իմ տղան հոկտեմբերի մեկին զանգեց, ասաց՝ ո՞նց ես մայրիկ, լա՞վ ես։
Չունենայիր իմ պես մայրիկ, բալես, իմ պես տգետ մայրիկ, որ չգիտեի, որ կարող ա պատերազմ սկսվի շուտով. իսկ դու գիտեիր, իմ առաքինի, գիտեիր ու չէիր ասում, դու տենց հայացքով էիր ինձ նայում բաժանվելիս, երբ վերջին անգամ եկանք քեզ տեսնելու, ու էլի բան չհասկացա։

Դու ուզում էիր հիվանդանոցում պառկել, քանի որ խնդիրներ ունեիր, իսկ բուժկետում քեզ անտեսում էին, իսկ ես քնած էի, մեղադրե՛ք ինձ, ասե՛ք, էլ ինչ ես ուզում, հենա դու ես մեղավոր, ապուշի մեկն ես եղել, մենք ինչ մեղավոր ենք, որ մեղադրում ես մեզ։ Իսկ դուք ասեիք հիմարիս, որ պատերազմն անխուսափլի ա, որ այսօր, վաղը, մյուս օրը, երբ ուզես, կարող ա սկսվել։
Պատերազմ էլ կա, պատերազմ էլ, ո՞վ ա տեսել դժոխքի դռները բացվեն ու դժոխքն արձակվի տղայիդ վրա, գառնուկիդ վրա, լույսիդ վրա։
Ես թշնամու զինվորի մահով չեմ ուրախացել, վարձկանի մահով չեմ ուրախացել...

Չհուզվեք, Աստված սիրեք։


 

Տեսանյութում նվագում է Սողոմոն Վարդանյանը

Լրահոս
Ամենաընթերցվածը
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture