8.09c
Երեվան
հնգ, ապր 25
ԱՄՆի առեւտուրի նախարարութիւնը իր սեւ ցուցակին մէջ ներառած է կարգ մը ընկերութիւններ, աւելի քան տասը երկրներէ, նաեւ Հայաստանէն:
Պատժամիջոցային ցանկին մէջ ընդգրկուած են երկու հայկական ընկերութիւններ՝ «Մարքել»ը եւ Երեւանի կապի միջոցներու գիտահետազօտական հաստատութիւնը:
Նշեալ երկրորդ ընկերութիւնը «ապրանքներ ստացած է ԱՄՆ Արդիւնաբերութեան եւ անվտանգութեան բիւրոյի «Առեւտրային վերահսկողութեան ցուցակ»էն եւ վերաարտահանած է, առանց անհրաժեշտ արտօնագիրներու: Հաստատութեան տնօրէնը, որ միեւնոյն ժամանակ «Մարքել»ի նախագահն է, կ'աշխատի իրանական կազմակերպութեան հետ, որ իր հերթին ամերիկեան պատժամիջոցներու տակ կը գտնուի»,- նշուած է ԱՄՆի հրապարակած փաստաթուղթերուն մէջ:
ԱՄՆի առեւտուրի նախարարութեան պատժամիջոցային ցանկին մէջ կան նաեւ ՌԴ-էն, Վրաստանէն, Պելճիքայէն, Միացեալ Թագաւորութենէն, Գանատայէն, Չինաստանէն, ՀոնկՔոնկէն, Մալայզիայէն, Հոլանտայէն, Արաբական Միացեալ Էմիրութիւններէն ընկերութիւններ:
Ամերիկեան իշխանութիւններու կարծիքով՝ այդ ընկերութիւններու գործունէութիւնը կը հակասէ ԱՄՆի ազգային անվտանգութեան ու արտաքին քաղաքականութեան շահերուն:
Սահմանափակումները պիտի իրագործուին 14 օգոստոսէն սկսեալ:
