15.09c
Երեվան
չրք, ապր 17
Իսրայէլի կրթութեան նախարար Րաֆի Փերեցը կառավարութեան նիստի ժամանակ յայտարարած է, որ ԱՄՆ-ի հրեաներուն եւ ոչ հրեաներուն միջեւ խառն ամուսնութիւնները կարծես երկրորդ Հոլոքոսթ են: Այս յայտարարութեան բացասաբար արձագանգած են ամերիկաբնակ հրեաները, հաղորդած է MSN-ը:
Նիստի ժամանակ քննարկուած է Միացեալ Նահանգներ ապրող հրեաներուն ձուլումը, եւ նախարարը նկատած է, որ քանի մը տասնամեակի ընթացքին խառն ամուսնութիւններու որպէս հետեւանք, հրեաները 6 միլիոն մարդ «կորսնցուցած են», ինչպէս տեղի ունեցած էր Երկրորդ Համաշխարհային պատերազմի ժամանակ:
Վարչապետ Բենիամին Նաթանիահուն մեկնաբանած է՝ ըսելով, որ իրեն աւելի շատ կը մտահոգէ ԱՄՆ հրեական համայնքի քաղաքական հայեացքները, քան խառն ամուսնութիւնները: Իր կարծիքով՝ ԱՄՆ-ի հրեաները աւելի ազատական են:
Փերեցի խօսքերը խիստ բացասական ընդունելութիւն գտան Միացեալ Նահանգներու մէջ: «Խառն ամուսնութիւնները Հոլոքոսթի հետ համեմատելը չափազանց պարզունակ մօտեցում է ցեղասպանութեան: Այդ կը վանէ, կը բորբոքէ եւ կը վիրաւորէ համայնքի շատ մը անդամները»,- ըսած է ԱՄՆ նախագահ Տանըլտ Թրամբի խորհրդական Ճեյսըն Կրինպլաթը:
Իսրայէլաբնակ եւ ամերիկաբնակ հրեաներու կապերով զբաղուող «Ռուտերման» հիմնադրամը յատուկ յայտարարութիւն կատարած է, որով պահանջած է աւելի յարգալից վերաբերմունք ցուցաբերել: Ամերիկեան հրէական քոնկրէսը դատապարտած է նախարարի այս յայտարարութիւնը:
