Համահայկական խաղերու աւարտին ՝ յարգանք քեզ Հալէպահայութիւն... Ս. Աստուածածնի Վերափոխման տոնը Մայր Աթոռ Ս. Էջմիածնում... Եթէ Թրամբ վերընտրուի, Ամերիկան մղձաւանջ պիտի ապրի. CNN... Աստուածամայր տիպար մայրութեան...
Մայիս 28-ի նշում Անթիլիասի Մայրավանքին մէջ
Մայիս 28-ի նշում Անթիլիասի Մայրավանքին մէջ
27 Մայիս 2019 , 11:15

«Ամբողջական ու Միացեալհայաստանի տեսլականին առաջին իրագործումը Արցախի միացո՛ւմնէ Հայաստանին» Ն.Ս.Օ.Տ.Տ. Արամ Ա. Կաթողիկոս

 

 

 

Հայաստանի առաջին Հանրապետութեան անկախութեան տօնին խորհրդանիշը ոչ միայն իր էութեան մէջ է, այլ նաեւ այն յատկութեան, որ այս անկախութիւնը ընդելուզուած է մեր ազգային ու հոգեւոր ինքնութեան հետ, որուն համար մեր եկեղեցիներուն մէջ կը կատարուի Հանրապետական Մաղթանք։ Այս արարողութեամբ, եկեղեցին աղօթք կը բարձրացնէ առ բարձրեալն Աստուած Հայաստանի իշխանաւորներէն անդին ու վեր հայրենիքին համար, որ հողին ու ժողովուրդին անքակտելի ամբողջութիւնն է։ Իսկ Հայաստանի առաջին Հանրապետութեան անկախութիւնը նշել Անթիլիասի Մայրավանքին մէջ՝ այն հողին վրայ, որ Սփիւռքի մէջ հայրենիք դարձած է Ցեղասպանութիւն տեսած ու անկէ միայն երեք տարի ետք Սարդարապատի ճակատամարտը յաղթութեամբ մղած ժողովուրդին համար, ունի իր հոգեպարար իմաստն ու պատգամը։

 

Այս առիթով, Կիրակի, 26 Մայիս 2019-ին, Ն.Ս.Օ.Տ.Տ. Արամ Ա. Կաթողիկոս նախագահեց Անթիլիասի Մայրավանքի Ս. Գիրգոր Լուսաւորիչ Մայր Տաճարին մէջ մատուցուած Ս. եւ Անմահ Պատարագին եւ Հանրապետական Մաղթանքին, որուն ընթացքին տեղի ունեցաւ նաեւ Հայաստանի դրօշի օրհնութիւն։ Հուսկ, Հայրապետական թափօրը ուղղուեցաւ Մայրավանքին շրջափակին մէջ Հայաստանի առաջին Հանրապետութեան Անկախութեան 100-ամեակին նուիրուած յուշակոթողին դիմաց, ուր տեղի ունեցաւ Սարդարապատի հերոսներուն նուիրուած հոգեհանգստեան արարողութիւն, որմէ ետք Վեհարանի դահլիճ մէջ տեղի ունեցաւ Նորին Սրբութեան անուանակոչութեան նուիրուած յատուկ հանդիսութիւն մը՝ գեղարուեստական կոկիկ յայտագիրով։

 

Անկախութեան տարեդարձին նուիրուած պատգամը Նորին Սրբութիւնը ուղղեց եկեղեցւոյ Ս. Խորանէն։ Ան ըսաւ, որ մեր հայրենիքի հզօրութեան աղբիւրը եղած է մեր հողին ու ժողովուրդին նոյնացումը, հետեւաբար, մեր ժողովուրդը միահամուռ կերպով դիմադրած է թշնամիները՝ յանուն ազատութեան, հաւատքի ու անկախութեան. այս հանգամանքը հայրենիքը սրբազան արժէք դարձուցած է մեզի համար։ Վեհափառ Հայրապետը ընդգծեց, որ իշխանութիւնները եւ պետական կառոյցները առկայ են փոփոխութեան, սակայն, մնայուն արժէքը հայրենիքն է՝ իր հողով ու ժողովուրդով. «Հանրապետական մաղթանքի ճամբով մենք աղօթեցինք մեր բոլորին սիրելի ու պաշտելի հայրենիքին համար, որ պատմութեան ընթացքին, հակառակ մեզ շրջապատող դառն պայմաններուն, մնաց։ Գոյն փոխեց՝ բայց մնաց. կառոյց փոխեց՝ բայց մնաց. իշխանութիւն փոխեց՝ բայց մնաց։ Հայրենիքն է մնայուն, գերագոյն ու սրբազան արժէքը, եւ մեր ժողովուրդը պէտք է այս սրբազան արժէքին շուրջ համախմբուի՝ հայրենիքը ու հայութիւնը դաւանելով մեր կեանքի ամէն բանէ վերը», ըսաւ ան։

 

Ապա, Հայրապետը երեք կէտերու մէջ ամփոփեց ամբողջական ու միացեալ Հայաստանի ոգին ու տեսլականը.-

 

Առաջին՝ ամբողջական ու միացեալ Հայաստանի ոգին ու տեսլականը վառ պահել կը նշանակէ հզօրացնել ներկայ Հայաստանը։ Ան ըսաւ, որ թէկուզ փոքր հողաշերտ մնացած է պատմական մեր Հայաստանէն, սակայն այդ հողաշերտին մէջ կը գտնուին մեր դարաւոր արմատները եւ հարկ է հզօրացնել զանոնք։ «Ինչ որ ալ ըլլան պայմանները, այսօր իւրաքանչիւր հայուն պարտաւորութիւնն է հզօրացնել ներկայ Հայաստանը, եւ այդ հզօրացումը տնտեսական ներդրումներէ եւ զբօսաշրջային այցելութեններէ անդին ու վեր պէտք է ըլլայ, որովհետեւ հայրենիքի հզօրացումը մասնակցութիւն է հայրենաշինութեան ու հայրենակերտումի սրբազան եւ համազգային առաքելութեան։ Հայրենիքի հզօրացումը առաքելութիւն է եւ իւրաքանչիւր հայուն պարտաւորութիւնն է մաս կազմել այդ առաքելութեան», յայտնեց Հայրապետը։

 

Երկրորդ՝ ամբողջական ու միացեալ Հայաստանի ոգին ու տեսլականը մեր ժողովուրդի զաւակները պէտք է այսօր մղէ մասնակից դառնալու Արցախի անկախութեան ամրապնդման։ Խօսելով բռնագրաւուած եւ մեր ժողովուրդին արիւնով ազատագրուած Արցախին մասին, Նորին Սրբութիւնը նշեց, որ Արցախը ոչ մէկ սակարկութեան զոհ կրնայ դառնալ այսօր, իսկ որպէս ամբողջական ու միացեալ Հայաստանի ոգիի ու տեսլականի գործնական առաջին քայլ, Արցախը մաս պէտք է կազմէ Հայաստանին։

 

Երրորդ՝ ամբողջական ու միացեալ Հայաստանի ոգիին հաւատարիմ ըլլալ կը նշանակէ մեր կեանքէն հեռացնել ամէն տեսակ մօտեցումներ, գործելակերպեր, մտածելակերպեր, որոնք մեր ժողովուրդի կեանքէն ներս բեւեռացումներ կը յառաջացնեն, շեշտեց Հայրապետը։ «Մեր ժողովուրդի կեանքէն ներս մեր ժողովուրդի զաւակները իրարմէ հեռացնող կացութիւններ կը ստեղծեն ամէն տեսակ քայլեր, որոնք Հայաստանի, Արցախի կամ Սփիւռքի կեանքէն ներս ներքին ցնցումներ կը յառաջացնեն։ Ո՛չ, հազա՜ր անգամ ո՛չ։ Մենք կը մերժենք նման մօտեցումներ։ Մեր պատմութեան այս ճակատագրական հանգրուանին, երբ մենք շրջապատուած ենք թշնամիներով, որեւէ ժամանակէ աւելի մեր ժողովուրդի ներքին միասնակամութիւնը հրամայական առաջնահերթ ու անհրաժեշտութիւն է»։

 

Եզրափակելով իր պատգամը, Վեհափառ Հայրապետը ողջունեց ամէն տեսակ նախաձեռնութիւն, որ արծարծ կը պահէ միասնակամութեան ոգին եւ իրարու կը մօտեցնէ մեր ժողովուրդի զաւակները, «որովհետեւ ա՛յս է մեր ժողովուրդի ու մեր պատմութեան ճշմարիտ ճամբան» ու կոչ ուղղեց ըսելով՝ «բոլորուինք հայրենիքի հզօրացման մեր ազգի գերագոյն արժէքներուն շուրջ։ Ահա այս գիտակցութեամբ ու այս նախանձախնդրութեամբ մենք արժանի կը դառնանք Մայիս 28-ով կերտուած մեր հերոսներու սրբազան աւանդին։ Ամբողջական ու միացեալ Հայաստանը պէտք է մնայ մղիչ ոյժ ու տեսլական եւ քալենք յառաջ դէպի մեր ժողովուրդի լուսապայծառ ապագան»։

 

Յայտնենք, որ Մայիս 28-ի տօնակատարութեան ներկայ էին Լիբանանի մօտ Հայաստանի Հանրապետութեան դեսպան Վահագն Աթաբէկեան եւ Արմենոֆասի ժողովի անդամները։

Լրահոս
Լուսանկար  եւ պատմութիւն
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture