Լիբանանի մէջ, Ռաուտայի Մխիթարեան վարժարանի Սրբուհի Ռիթա շրջափակէն ներս պիտի նշուի Սրբուհի Ռիթայի տարեկան ուխտի օրը: Այս մասին կը տեղեկանանք վարժարանի տարածած յայտարարութենէն:
Ս. Ռիթայի ուխտի օրուայ առթիւ, կիրակի՝ 19 մայիսին, երեկոյեան ժամը 5:00-ին, պիտի կատարուի Սուրբ եւ անմահ պատարագ, որու ընթացքին պիտի պատարագէ եւ յաւուր պատշաճի քարոզէ՝ Մխիթարեան միաբանութեան Լիբանանի եւ Միջին Արեւելքի մեծաւոր, Հոգեշնորհ Հ. Մեսրոպ Թ. Ծ. Վրդ. Սիւլահեանը:
Ս. Պատարագին պիտի յաջորդէ վարդերու օրհնութիւն եւ նշխարհամբոյր:
Յայտարարութեան մէջ նշուած է, որ դիւրացնելու համար հաւատացեալներուն երթեւեկը, տրամադրուած են փոխադրամիջոցներ, որոնք կէսօրէ ետք ժամը 4:00-էն սկսեալ պիտի շարժին հետեւեալ հաւաքավայրերէն.
1) Պուրճ Համուտ - Քաղաքապետարանի մարզադաշտ
2) Պուրճ Համուտ - «Յովհաննէս Պօղոսեան» թատերասրահ