«Յաճախ Պոլսոյ մէջ ես չեմ կարողացած Հոբայի նման բարձր հայերէն խօսիլ ու բարձր կենաց ըսել». Ռաֆֆի Ուզունեան (Լուսանկարներ)... Վահէ Գրիգորեանը ընտրուեցաւ Սահմանադրական Դատարանի անդամ... Կոլանի մէջ Թրամբի անունով շրջաններու անուանակոչութիւն... Դասական Սփիւռքէն եկած կարգ մը կեցուածքներ.Տիգրան Գաբոյեան...
Արցախի մէջ Առիաւան անունով նոր կառուցուած գիւղին մէջ բնակչութեան 50 առ հարիւր աճ արձանագրուած է. ԱՌԻ-ի վերջին ձեռքբերումները
Արցախի մէջ Առիաւան անունով նոր կառուցուած գիւղին մէջ բնակչութեան 50 առ հարիւր աճ արձանագրուած է. ԱՌԻ-ի վերջին ձեռքբերումները
19 Մարտ 2019 , 11:22

Կազմակերպութեամբ «Արցախ Ռուց ինվեսթմընթ» (ԱՌԻ) ներդրումային ծրագիրներու կազմակերպութեան վարչութեան, երկուշաբթի, 18 մարտ 2019-ին, երեկոյեան ժամը 8:00-ին, «Մաթթօ, Այշթի Սիսայտ»-ի մէջ տեղի ունեցած է ԱՌԻ-ի 9-րդ տարեկան Անդամական ընդհանուր ժողովը` ներկայութեամբ Արցախի Հանրապետութեան պատուիրակութեան, գլխաւորութեամբ պետական նախարար Գրիգորի Մարտիրոսեանի:

Բացման խօսքով հանդէս եկած է ԱՌԻ-ի վարչութեան անդամ Ստեփան Տէր Պետրոսեան, որ բարի գալուստ մաղթած է Արցախի Հանրապետութեան պատուիրակութեան անդամներուն, որոնք անցնող 2-3 օրերուն աշխատանքային այցելութեամբ Լիբանան կը գտնուէին:

Ստեփան Տէր Պետրոսեան ըսած է, թէ այս այցելութիւնը առիթ մը եղաւ, որ ԱՌԻ-ի վարչութիւնը Արցախի Հանրապետութեան պատուիրակութեան հետ ունենայ քննարկում-հանդիպում մը, որուն ընթացքին խօսուած է ԱՌԻ-ի գործունէութեան եւ ապագայի ծրագիրներուն մասին:

Ապա ԱՌԻ-ի վարչութեան անդամ Վահան Գասարճեան ներկայացուցած է նախորդ տարուան գործունէութիւնը, նախ անդրադառնալով ԱՌԻ-ի էութեան, գործունէութեան նպատակին` ըսելով, որ ԱՌԻ-ի գործունէութեան նպատակը իր բաժնետէրերուն միայն շահոյթ ապահովելը չէ, այլ նաեւ Շահումեանն ու Քաշաթաղը հզօրացնելու ճիգեր թափելն է` ներդրումներով բնակիչներու թուաքանակի ու անոնց լաւ ապրելակերպի ապահովումը: Վահան Գասարճեան ըսած է, թէ Արցախը վերջին տարիներուն տնտեսական աճ արձանագրած է 10-12 առ հարիւրով, անիկա ջրային եւ հանքային հարստութիւն ունի, ինչպէս նաեւ ջրելեկտրականութեան արտադրութեան մարզին մէջ ինքնաբաւ է եւ Արցախէն դուրս արտածող երկիր կրնայ դառնալ: Վահան Գասարճեան ըսած է, թէ վերջին 10 տարիներուն ԱՌԻ-ի ներդրումներէն օգտուած են Արցախի 202 գիւղեր, 400 ընտանիք (մօտաւորապէս 6000 հոգի), գիւղ մը շինուած է Առիաւան անունով (50 տունով), իսկ ամէնէն կարեւորը` նշեալ շրջանին մէջ ժողովուրդի 50 առ հարիւր աճ արձանագրուած է:

Վահան Գասարճեան իր ներկայացուցած թիւերով հաստատած է, որ կատարուած ներդրումները իրենց դրական ազդեցութիւնը ձգած են շրջանին վրայ:

Շարունակելով ներկայացնել զեկուցումը` Վահան Գասարճեան ըսած է, թէ կարեւոր է նշել նաեւ, որ բաժնետէրերը 6-7 առ հարիւր տարեկան տոկոսով շահ ապահոված են իրենց կատարած ներդրումէն: Ան անդրադարձած է նաեւ անցեալ տարուան ընթացքին Աւստրալիոյ մէջ կատարուած ԱՌԻ-ի ներկայացումներուն եւ անոնց հիմամբ արձանագրուած ներդրողներու թիւի աճին ու «Սիտնի» թաղամասի շինարարական աշխատանքին, որուն համաձայնագիրը ստորագրուած է ձեռնարկի ընթացքին:

Խօսելով «Արցախ 2028» ծրագիրին մասին` Վահան Գասարճեան ըսած է, թէ անիկա թէեւ դանդաղ ընթացքի մէջ է, սակայն յոյս յայտնած է, որ կ՛իրագործուի:

Ներկայացման վերջին բաժինով Վահան Գասարճեան ըսած է, թէ այսօր 2 համաձայնագիրներ պիտի կնքուին Արցախի Հանրապետութեան պետական նախարարին հետ, առաջինը` Առիաւանի մէջ 10 տուներու կառուցում, իսկ երկրորդը` «Սիտնի» թաղամասին մէջ 15 տուներու կառուցում:

 

 

Այնուհետեւ հրաւիրուած են Արցախի Հանրապետութեան պետական նախարար Գրիգորի Մարտիրոսեան եւ ԱՌԻ-ի նախագահ Սուրէն Սարգիսեան, որոնք ստորագրած են վերոնշեալ 2 համաձայնագիրները:

Խօսք առած է Արցախի Հանրապետութեան պետական նախարար Գրիգորի Մարտիրոսեանը, որ շնորհակալութիւն յայտնելէ ետք ներկաներուն, ըսած է, թէ Արցախը իբրեւ պետութիւն պիտի շարունակէ տարիներու իր ընթացքը` Արցախի իւրաքանչիւր քաղաքացիին ապահովել ամբողջական իրաւունքներ եւ ազատութիւն, շեշտելով, որ չլուծուած տագնապը պէտք չէ զարգացման խոչընդոտ հանդիսանայ:

Գրիգորի Մարտիրոսեան նշած է, որ Արցախի համար մեծ նշանակութիւն ունին սփիւռքի կողմէ նախաձեռնուած բոլոր տեսակի ծրագիրները, որոնք Արցախի մէջ կ՛իրագործուին, յատկապէս նման ծրագիրներ, որոնք փոխադարձ գործակցութեան եւ երկարաժամկէտ հիմերու վրայ դրուած են:

Պետական նախարար Մարտիրոսեան փաուըր փոյնթով ներկայացուցած է Արցախի ներկայի տնտեսական վիճակը եւ ապագայի տեսլականն ու ծրագիրները:

 

Լուրը՝ «Ազդակ»էն

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture