ՀՄԸՄ-ի շռնդալից յաղթանակը Ռիատի խումբին դէմ (Տեսանիւթ)... 7 օր առաջնագիծին. Ատրպէյճանը աւելի քան 1900 կրակոց արձակած է Արցախի ուղղութեամբ... Մալիի մէջ ահաբեկչութիւն. Զոհերու թիւը անցած է 100 -ը... Ս. Զատկուան շրջանի տօները Զէյթունի մէջ...
Մխիթարեան Վարժարանի շրջապատը կը հարստանայ 30 պտղատու ծառերով (Լուսանկարներ)
Մխիթարեան Վարժարանի շրջապատը կը հարստանայ  30 պտղատու ծառերով (Լուսանկարներ)
14 Մարտ 2019 , 09:53

Երեքշաբթի, 12 Մարտ 2019-ին, Մխիթարեան Վարժարանէն ներս տեղի ունեցաւ ծառատնկումի արարողութիւն, հովանաւորութեամբ լիբանանեան խորհրդարանի անդամ՝ երեսփոխանուհի Փոլա Եագուպեանի, որուն կը ներկայացնէր տիկին Թալին Արսլանեան, եւ ներկայութեամբ Մխիթարեան Միաբանութեան Լիբանանի եւ Միջին Արեւելքի մեծաւոր Գեր. Հ. Մեսրոպ Ծ. Վրդ. Սիւլահեանի, Միաբանութեան վարչութեան անդամներու, Ժտէյտի-Պուշրիէ շրջանի քաղաքապետութեան ներկայացուցիչ Պրն. Ղասսան Խուրիի, հիւրերու եւ ծնողներու:

 


Լիբանանի, Հայաստանի եւ Մխիթարեան Միաբանութեան քայլերգներու ունկնդրութենէն ետք, տնօրէնուհի Տիկ. Ռիթա Պոյաճեան բացման խօսքին մէջ բարի գալուստ մաղթեց ներկաներուն եւ ըսաւ. «Այսօր, եւ շնորհիւ լիբանանեան խորհրդարանի անդամ տիկին Փոլա Եագուպեանի, որ նաեւ եղած է Մխիթարեան վարժարանի աշակերտուհի, մեր փափաքներէն մին կ'իրականանայ, այն է՝ որ մեր նոր բացուած դպրոցը ոչ միայն ըլլայ լաւագոյն ուսումնարանը, ոչ միայն քայլ պահէ նորագոյն արհեստագիտութիւներու հետ, ոչ միայն պատրաստէ 21-րդ դարու մարտահրաւէրներուն պատրաստ գիտութեամբ եւ կենցաղային հմտութիւններով զինուած հայրենասէր ու ազգասէր անհատներ, այլ նաեւ, այս բոլորին կողքին, ըլլայ բնութեան մէջ գտնուող դպրոց մը, կանաչապատ տարածքով, ծառերով ու կանաչութեամբ շրջապատուած, որ կը շնորհէ առողջ կենսոլորտ, խաղաղութիւն ներշնչող, գեղեցիկ ու հաճելի շրջապատ»: Ան շեշտը դրաւ բնութեան հոգ տանելու եւ Լիբանանը աւելի կանաչ դարձնելու հրամայականին վրայ, եւ վստահեցուց, որ ինչպէս աշակերտները առաջին ցանքն են նորաբաց Մխիթարեան վարժարանին եւ որ տարուէ տարի աճելով ու սնանելով պիտի ծաղկին ու քաղցր պտուղ պիտի տան, այս ծառերն ալ նոյնպէս օրէ օր պիտի ծաղկին, աճին ու պիտի տան պտուղներ:


Ապա խօսք առաւ տիկին Թալին Արսլանեան, որ ըսաւ, որ ինքզինք իր տան մէջ կը զգայ, որովհետեւ մեծցած ու մկրտուած է այս դպրոցին ու եկեղեցիին մէջ: Ան ուրախութիւն յայտնեց ներկայացնելու երեսփոխանուհի Եագուպեանը, որ ոչ մէկ առիթ կը մերժէ սատարելու կենսոլորտին: Տիկին Արսլանեան խրատեց աշակերտներուն հոգ տանելու բնութեան, ուր կը յայտնաբերենք Աստուծոյ գոյութիւնը:

 


Քահանայական կեանքի պատրաստուող եղբայր Նարեկ Ճենանեան ըսաւ, որ հաւաքուած ենք մեր ձեռքերով ցանելու եւ գեղեցիկ ու բնական շրջապատ ապահովելու, ուր իւրաքանչիւր աշակերտ հանգիստ կը զգայ կարդալու, մտածելու եւ ապագային մասին երազելու: Ան նշեց, որ բնութիւնը ինքնին դպրոց մըն է, որմէ կը սորվինք մանաւանդ համբերութիւն եւ կարգ ու կանոն, յատկութիւններ որոնք անհրաժեշտ են իւրաքանչիւր յաջողակ անձի համար:

 


Փակման խօսքով Գեր. Սիւլահեան շնորհակալութիւն յայտնեց տիկին Փոլա Եագուպեանին եւ պարոն Խուրիին միջոցով՝ Ժտէյտի-Պուշրիէիի քաղաքապետութեան, որ մշատական նեցուկ կը ցուցաբերէ մեր վարժարանին: «Այսօրուան ձեր ցանած ծառերը պիտի մեծնան եւ պտուղ տան, ինչպէս որ դուք պիտի մեծնաք շնորհիւ ձեր ստացած խնամքին ու հոգատարութեան, որպէսզի դառնաք իսկական մխիթարեանականներ, տիպար քրիստոնէաներ եւ պարկեշտ քաղաքացիներ», ըսաւ գերյարգելի վարդապետը:

Գեր. Սիւլահեան եւ տիկին Պոյաճեան երեսփոխանուհի Փոլա Եագուպեանի յուշանուէրը յանձնեցին տիկին Թալին Արսլանեանին: Այնուհետեւ, աշակերտները եւ իրենց ծնողները մասնակցեցան ծառատնկումի գործողութեան:

 

ԼՐԱՏՈՒ

ՄԽԻԹԱՐԵԱՆ ՎԱՐԺԱՐԱՆԻ

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture