Կողոպուտի զարհուրելի դէպք մը գրանցուած է Հալէպի մէջ։ Այս մասին տեղեկութիւնը տրուած է Հալէպի մասին լուրեր հաղորդող դիմատետրի էջերէն։ Ըստ նախնական տուեալներու, Հալէպի քաղաքացի ՝ Ապտըլ Մընհէմ Աքիլի ենթարկուած է յարձակման ութը անձերու կողմէ, որոնց նպատակը եղած է կողոպտել զինք։ Յարձակողները ոչ միայն կողոպտած են զինք, այլ նաեւ աւելի քան տասնհինգ դաշոյնի հարուածներ տուած են քաղաքացիին։
Կը նշուի նաեւ, որ Ապտըլ Մընհէմ ծանրօրէն վիրաւորուելէ ետք փոխադրուած է Հալէպի «Ալ Ռազի» հիւանդանոց։
Ոստիկանութիւնը քննութիւն բացած է դէպքին շուրջ։