Եւրոպա լիկայի խաղարկութեան խմբային թուրի վերջին խաղին, Լոնտոնի «Արսէնալ»-ը մրցեցած է Ատրպէյճանը ներկայացնող ակումբի՝ «Ղարաբաղ»-ի հետ ու յաղթած է նուազագոյն` 1:0 հաշուով։
Հանդիպման վերջաւորութեան, հայ երիտասարդը, որ ազգային հերոս Մոնթէ Մելքոնեանի նկարով շապիկով էր, Արցախի դրօշով ներխուժեց խաղադաշտ ու Ատրպէյճանցի ֆութպոլիստներու կողքէն վազեց դէպի Հայաստանի հաւաքականի աւագ Հենրիխ Մխիթարեանը։
Սակայն անվտանգութեան աշխատակիցները հասցուցին կանգնեցնել հայ երիտասարդը։