Հայաստանի կեդրոնական դրամատան կողմէ նոր թողարկուած թղթադրամներէն 5000–նոցի վրայ յայտնի հայ գրող Ուիլեամ Սարոյեանի նկարի յայտնուելուն անդրադարձած է թրքական ընդդիմադիր Sozu պարբերականը։
Sozcu–ի գրած է. «Հայկական 5000 դրամանոցի թուղթը եւ ձեւաւորումը փոխուած է։ Իսկ դրամի վրայ յայտնուած է Պիթլիսէն ԱՄՆ գաղթած հայ գրող Ուիլեամ Սարոյեանի նկարը։ Սարոյեանի հետ մէկտեղ դրամներուն վրայ կը գտնուին ճատրակի ախոյեան Տիգրան Պետրոսեանի, Կոմիտասի, Այվազովսկիի նկարները»։ Թրքական պարբերականը նաեւ ներկայացուցած է Սարոյեանի նուաճումները գրականութեան ոլորտի մէջ:
Նշենք, որ Ուիլեամ Սարոյան թէեւ ծնած է ԱՄՆ-ի Ֆրեզնօ քաղաքին մէջ, սակայն ամուր կապ պահպանած է իր նախնիներու հայրենիքին հետ եւ 1964-ին այցելած է Արեւմտեան Հայաստան՝ Պիթլիս: