Հայաստանի մէջ տեղի կ՚ունենան արտահերթ ընտրութիւններ... Հայ ժողովրդի մէջ կա՞յ մէկը, որ մտահոգութիւն չունենայ Արցախի հարցում. Լեւոն Տէր-Պետրոսեան... Փարիզի ցոյցերը աննախադէպ էին. Ձերբակալուածներու թիւը հասած է 1550-ի... «Դեղին բաճկոն» շարժումը նահանջի կը մատնէ Մաքրոնը...
Շարլ Ազնաւուրին նուիրուած «Քեզի համար, Ազնաւո՛ւր» բարձրորակ համերգ Պէյրութի մէջ
Շարլ Ազնաւուրին նուիրուած  «Քեզի համար, Ազնաւո՛ւր» բարձրորակ համերգ Պէյրութի մէջ
16 Նոյեմբեր 2018 , 17:52

Համաշխարհային արուեստի պատմութեան վերազարթօնքին մէջ հայազգի Շարլ Ազնաւուրի ներդրումն ու արժէքը անուրանալի է: Համեստ ընտանիքի մէջ հասակ առած Ազնաւուր, այսօր իր վաստակով համաշխարհային ճանաչում ունի: Սերունդնե՜ր իր երգերով սէր երգած են, իրենց հոգիներուն անդորրութիւն գտած եւ վերջապէս կեանքը սիրած են իր երգերու բառերուն ընդմէջէն ճանչնալով կեանքին արժէքը: Ազնաւուր իր արուեստը նեղ սահմաններու մէջ չէ սահմանափակած, այլ մեծ բաժին յատկացուցած է հայ ժողովուրդին եւ Հայաստանին մասնաւորաբար, որուն ջատագովը մնաց մինչեւ իր կեանքին վերջը: Իր մահով իր գործերը դարձան մնայուն յուշարար` հետեւելու իր կեանքի ուղիին, իսկ երգերը անմահացան իրերայաջորդ սերունդներուն արուեստի ճաշակը զարգացնելու:

Երէկ` Հինգշաբթի, 15 Նոյեմբեր 2018-ին, Պէյրութի Յիսուսեան հայրերու Սեն ժոզեֆ եկեղեցին կը յորդէր Ազնաւուրի երգերը սիրող երաժշտասէր հոծ բազմութեամբ: Արդարեւ, այս եզակի համերգը, որ կազմակերպուած էր Լիբանանի պետական երաժշտանոցին եւ Համազգայինի Հայ կրթական եւ մշակութային միութեան կողմէ կը վայելէր բարձր հովանաւորութիւնը Լիբանանի հանրապետութեան նախագահ զօր. Միշել Աունի: Ազնաւուրի արուեստը եւ այս համերգը իրենց ներկայութեամբ պատուեցին Լիբանանի առաջին տիկին Նատիա Շամի-Աուն, որ ներկայացուց հանրապետութեան նախագահ զօր. Միշել Աունը, զբօսաշրջութեան նախարար Աւետիս Կիտանեան, Մեծի Տանն Կիլիկիոյ Արամ Ա. կաթողիկոսի ներկայացուցիչ եւ Լիբանանի հայոց թեմի առաջնորդ Նարեկ արք. Ալեէմէզեան, Պէյրութի հայ կաթողիկէ պատրիարքական թեմի օգնական եպիսկոպոս Գէորգ եպս. Ասատուրեան, Լիբանանի մէջ Հայաստանի դեսպան Սամուէլ Մկրտչեան, Հայկական երեսփոխանական պլոքի անդամներ, երեսփոխաններ Յակոբ Թերզեան եւ Ալեքսանտր Մաթոսեան, նախարար Ժան Օղասապեան, նախարարներ Սեզար Ապի Խալիլի եւ Ժըպրան Պասիլի ներկայացուցիչները, օտար պետութիւններու դեսպաններ, Վիճակագրութեան կեդրոնական վարչութեան տնօրէն եւ Վարժանքի, վիճակագրութեան ու հետազօտութեան արաբական հիմնարկի նախագահ դոկտ. Մարալ Կիտանեան, Լիբանանցի գործարարներու համախմբումի գանձապահ Փաթրիք Ֆարաճեան եւ երաժշտասէր հոծ բազմութիւն մը:

Ելոյթին սկիզբը բացման խօսքով հանդէս եկաւ Լիբանանի պետական երաժշտանոցի տնօրէն Պասսամ Սապա: Ան բացառիկ պատիւ նկատեց Շարլ Ազնաւուրի համար ձօնուած այս համերգին կայացումը: Պասսամ Սապա նշեց, որ Ազնաւուրի կապը Լիբանանի հետ վաղուց էր. Ազնաւուր շատ կը սիրէր Լիբանանը: Ան ֆրանսացի էր, ծագումով հայ, 1200 երգի հեղինակ էր, միաժամանակ բանաստեղծ, դերասան, դիւանագէտ էր: Ազնաւուր իր արուեստով մուտք գործեց իւրաքանչիւր երաժշտասէրի հոգիին մէջ եւ մեծ հետք թողուց իր ետին: Ազնաւուր իր արուեստէն բացի  մարդասիրական մեծ ներդրում ունեցած է Հայաստանի մէջ: Լիբանանի պետական երաժշտանոցը աչալուրջ է եւ նոյն ատեն գնահատող Ազնաւուրի նման մեծ  արուեստագէտի մը վաստակը: Պասսամ Սապա գնահատեց Լիբանանի ֆիլհարմոնիք նուագախումբի ղեկավար մայեսթրօ Յարութ Ֆազլեանը, որուն բծախնդիր աշխատանքին շնորհիւ իրականութիւն դարձաւ այս ձօն-երեկոյ համերգը:

«Պի. Պի. Էյ. Սի.» դրամատան ընդհանուր տնօրէն Ղասսան Ասաֆ արտասանեց իր սրտի խօսքը: Ան նշեց, որ այսօրուան համախմբման դրդապատճառը լսել ու վայելել է առասպել Շարլ Ազնաւուրի երաժշտութիւնն ու բառերը, որոնք սերունդներու ներշնչարան դարձած են: Ազնաւուր համեստ ընտանիքի զաւակ ըլլալով, հակառակ բոլոր դժուարութեանց, կեանքով եւ ուրախութեամբ լեցուն անձնաւորութիւն մըն էր, ինչպէս արտայայտած է «Լա Պոհեմ» երգին մէջ: Ան յայտնեց, որ Ազնաւուր տեսիլք ունեցող անձնաւորութիւն մըն էր եւ ինքնավստահ իր ապագայի յաջողութեան: Ազնաւուրի երազները իրականացան, եւ ան դարձաւ միջազգային մեծ արուեստագէտ: Ղասսամ Ասաֆ ըսաւ, որ Ազնաւուրի կեանքի ուղին ուղեցոյց դարձած է լիբանանահայ համայնքի զաւակներուն, որոնք մեծ ազդեցութիւն ունեցած են Լիբանանի տնտեսութեան զարգացման հոլովոյթին վրայ: Այս առումով Ազնաւուրին նուիրուած այսօրուան երեկոն միայն զինք մեծարել չէ, այլ նաեւ մեծարել լիբանանահայերը:

Համազգայինի Լիբանանի Շրջանային վարչութեան անունով խօսք առաւ Նանոր Տէր Սարգիսեան: Ան յայտնեց, որ շատ բան գրուեցաւ ու խօսուեցաւ Շարլ Ազնաւուրի արուեստին մասին: Անոր  երգերը յուզած են մարդոց զգացումները` փոխանցելով անոնց մարդկային վեհ արժանիքներ, ինչպէս` սէր, գեղեցկութիւն, իրաւունք, արդարութիւն, միասնութիւն: Ազնաւուր հաստատեց, որ իր հայրենիքն է Ֆրանսան, ազգութեամբ հայ է, չէր բացառած իր սէրը արտայայտելու մայրիներու երկիր Լիբանանին, ուր նաեւ համերգներով հանդէս եկած ու ժողովուրդի գնահատանքին արժանացած էր:  Նանոր Տէր Սարգիսեան բոլոր ներկաներուն անունով արժանի յարգանք ընծայեց միջազգային ճանաչում ստացած առասպել արուեստագէտ Շարլ Ազնաւուրին, որուն ձօնուած այս երեկոն հրաժեշտի երեկոյ չէ: Իր բազմատաղանդ արուեստն ու երգերը սերունդներուն մէջ յաւերժ պիտի ապրին: Ապա ան շնորհակալութիւն յայտնեց  Լիբանանի առաջին տիկին Նատիա Շամի-Աունին, որ ներկայացուց հանրապետութեան նախագահ զօր. Միշել Աունը, Լիբանանի պետական երաժշտանոցի տնօրէն Պասսամ Սապային, Լիբանանի ֆիլհարմոնիք նուագախումբին եւ անոր ղեկավար մայեսթրօ Յարութ Ֆազլեանին, «Պի. Պի. Էյ. Սի.» դրամատան ընդհանուր տնօրէն Ղասսան Ասաֆին, տէր եւ տիկին Հրայր եւ Միրնա Սարգիսեան ամոլին:

Ապա ընթացք առաւ «Քեզի համար Ազնաւուր» իւրայատուկ ելոյթը: Լիբանանի ֆիլհարմոնիք նուագախումբը` ղեկավարութեամբ մայեսթրօ Յարութ Ֆազլեանին, հնչեցուց Ազնաւուրի անմահ երգերը: Նախ հնչեց «Լէ Քոմէտիեն» երգը: «Իյէր անքոր» երաժշտական կատարման ընթացքին մեծ պաստառի վրայ երեւցաւ Շարլ Ազնաւուրի ձայնը տեսահոլովակի մէջէն` առաւել կենդանի դարձնելով հանդիսատեսներուն մէջ իր ոգեղէն ներկայութիւնը: «Ֆոր մի ֆորմիտապլը» երգը մենակատարեցին սոփրանօ Քորին Մեթնի եւ թենոր Էլիա Ֆրանսիս, ապա «Շի» երգը` կատարողութեամբ թենոր Էլիա Ֆրանսիսի, «Իլ ֆո սավուար» երգը կատարեց սոփրանօ Քորին Մեթնի, «Լէ տօ կիթառը» այնքան հարազատութեամբ մեկնաբանեց թենոր Հայկ Պետրոսեան, որ կարծես Շարլ Ազնաւուրի ձայնին կրկնօրինակն ըլլար, «Փուր թուա Արմենի» երգը խմբերգեցին Համազգայինի «Կարկաչ» երգչախումբը եւ Լիբանանի պետական երաժշտանոցի` ժողովուրդին մէջէն ոտքի կանգնած խումբ մը ուսանողներ, «Սա Ժէօնես» երգը մենակատարեց սոփրանօ Քորին Մեթնի` ընկերակցութեամբ դաշնակահար Կարէն Անանեանի, «Մուրիր Տէյմ» երգը մենակատարեցին սոփրանօ Քորին Մեթնի եւ թենոր Հայկ Պետրոսեան, «Քէօ սէ թրիսթ Վէօնիս» երգը` թենոր Էլիա Ֆրանսիս, «Ժէ Մվուայէ տեժա»` թենոր Հայկ Պետրոսեան, «Էմմենէ մուա» միասնաբար երգեցին թենոր Հայկ Պետրոսեան, սոփրանօ Քորին Մեթնի եւ թենոր Էլիա Ֆրանսիս: Հուսկ Ազնաւուրի հանրածանօթ «Լա Պոհեմ» երգի` Ֆիլհարմոնիքի նուագակցութեան ընթացքին, հռչակաւոր երգիչին ձայնը դարձեալ լսուեցաւ տեսահոլովակի ընդմէջէն:

«Քեզի համար Ազնաւուր» ձօն-երեկոյին այս բարձրորակ կատարումը եւ արժանի յարգանքը դեռ երկար պիտի յիշէ Լիբանանի արուեստասէր հասարակութիւնը:

Յայտնենք, որ այսօր երեկոյեան ժամը 8:30-ին, «Քեզի համար Ազնաւուր» համերգային ծրագիրը դարձեալ պիտի ներկայացուի Պէյրութի Յիսուսեան հայրերու Սեն ժոզեֆ եկեղեցւոյ մէջ:

 

Լուրը՝ «Ազդակ»էն

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture