11.09c
Երեվան
հնգ, ապր 25
Միացեալ Նահանգներու նախագահ Տանըլտ Թրամբը Քալիֆորնիա նահանգի մէջ արտակարգ դրութեան ռեժիմ յայտարարած է արագօրէն տարածուող անտառային հրդեհներու հետեւանքով, կը յայտնէ Daily Mail-ը՝ Սպիտակ տան յղումով:
ԱՄՆ նախագահը կարգադրած է դաշնային օգնութիւն տրամադրել տեղի իշխանութիւններուն:
Վերջին տուեալներու համաձայն՝ հրդեհներու հետեւանքով զոհուած է առնուազն 9 մարդ: Մասնաւորապէս՝ հրդեհի գօտիին վրայ գտնուող «թակարդուած» մեքենային մէջ գտած են 5 մարդու մարմին:
Աւելի վաղ իշխանութիւնները յայտարարած էին ամէնէն շատ տուժած Փարըտայզ քաղաքէն բնակչութեան ամբողջական տարհանման մասին, ուր կ'ապրի 27.000 մարդ:
«San Francisco Chronicle»-ն ալ գրած է, որ Քալիֆորնիայի հիւսը աւելի քան 36.000 հեքթար ընդգրկած եւ մօտ 7.000 կառոյց աւերած անտառային հրդեհը նահանգի պատմութեան մէջ ամենաաւերիչը դարձած է:
