«Թղթակիցներ առանց սահմաններու» (RSF) միջազգային կազմակերպութիւնը կոչ ըրած է լրագրողներու պաշտպանութեան հարցերով ՄԱԿ գլխաւոր քարտուղարի յատուկ ներկայացուցիչ նշանակել, նշելով, որ 2018 թուականին աշխարհի մէջ սպաննուած է լրատուամիջոցներու 56 ներկայացուցիչ, կը փոխանցէ «ՌԻԱ Նովոսթի»-ն:

Կազմակերպութեան կայքին մէջ հրապարակուած տուեալներուն համաձայն՝ 2018 թուականի 1 հոկտեմբերի դրութեամբ աշխարհի մէջ իր մասնագիտական գործունէութեան համար 56 լրագրող սպաննուած է: 2017 թուականին սպաննուած էր լրատուամիջոցներու 55 ներկայացուցիչ: Լրագրողներու մեծ մասը կեանքէն զրկուած է հակամարտութեան գօտիներու վրայ:

Աֆղանստանի մէջ, ուր առաւել մեծ թիւով լրագրողներ զոհուած են, 2018 թուականին սպաննուած է 13 լրագրող: Աֆղանստանին կը յաջորդէ Եմէնը, ուր 5 լրագրող սպաննուած է: Լրատուամիջոցներու 2-ական ներկայացուցիչներ սպաննուած են Փաքիսթանի, Պաղեստինի եւ Սուրիոյ մէջ: Սուրիոյ մէջ իրենց մասնագիտական գործունէութեան համար սպաննուած թղթակիցներու թիւը վերջին տարին նուազած է:

Միաժամանակ, կազմակերպութեան տուեալներով, 9 լրագրող սպաննուած է սուրիական հակամարտութեան հետեւանքով: Տարեսկիզբէն լրատուամիջոցներու 29 ներկայացուցիչներ (52 տոկոս) սպաննուած են ռազմական գործողութիւններու գօտիներուն վրայ:

newsbook.am