Պոլսոյ մէջ տեղի ունեցած է Հրանդ Տինքի անուան մրցանակի յանձնման 10-րդ ամենամեայ արարողութիւնը: Այս մասին կը յայտնէ Պոլսոյ հայկական «Ակօս» թերթը:
Դատական կազմին մէջ եղած է նաեւ յայտնի ռոք երգիչ Սերժ Թանքեանը:
Դատական կազմի ձայներու մեծամասնութեամբ մրցանակը յանձնուած է Մուրատ Չելիքանին, որ 1970-ականներէն մշտապէս պայքարած է յանուն մարդու իրաւունքներու եւ քանի մը անգամ բանտարկուած է ատոր համար:
Արտասահմանէն Հրանդ Տինքի մրցանակին արժանացած է Ռատիա ալ-Մութաւեքելը, որ Եմենի մարդու իրաւունքներու պաշտպանութեան միութեան անդամ է:
Հրանդ Տինքի անուան մրցանակին կ՛արժանանան մարդու իրաւունքներու պաշտպանութեան
գործին մէջ ներդրում ունեցած անհատներ թէ՛ Թուրքիոյ, թէ՛ արտասահմանեան քաղաքացիներ: