image

Արժանթինի Քորտոպա քաղաքի հայկական փողոցներու ցուցանակները հայերէն թարգմանուած են

Արժանթինի Քորտոպա քաղաքի հայկական փողոցներու ցուցանակները հայերէն թարգմանուած են

Արժանթինի մեծութեամբ երկրորդ` Քորտոպա քաղաքի քաղաքապետարանը որոշած է, որ հայկական անուանումներով փողոցներու ցուցանակները երկլեզու պէտք է ըլլան` սպաներէն եւ հայերէն: Քորտոպայի հրապարակներէն մէկը կը կոչուի Հայաստանի Հանրապետութիւն, կան նաեւ Արմէնիա, Զօրավար Անդրանիկ փողոցներ:

Նախաձեռնութեան հեղինակը Քորտոպայի քաղաքային խորհուրդի հայազգի անդամ Լուքաս Պալեանն է: Այդ մասին կ՛ըսուի Քորտոպայի հայ համայնքի ֆէյսպուքեան էջին վրայ:

Նախաձեռնութիւնը նուիրուած է Հայաստանի Առաջին Հանրապետութեան 100-ամեակին:

Կը նշուի, որ Արժանթինի մեծութեամբ երկրորդ քաղաքի հայ համայնքի անդամները երկլեզու ցուցանակներու տեղադրման կապակցութեամբ շնորհակալական նամակ  յղած են Քորտոպայի քաղաքապետ Ռամոն Խաւիեր Մեստրէին: