image
Հրատապ լուրեր:

Նախկին ազատամարտիկ Միասնիկ Մալխասեանի վիճակը ծանր է. Ան տեղափոխուած է Ս. Փեթերսպուրկ

Նախկին ազատամարտիկ Միասնիկ Մալխասեանի վիճակը ծանր է. Ան տեղափոխուած է Ս. Փեթերսպուրկ

Հայ ազգային քոնկրէսի վարչութեան  անդամ, ազատամարտիկ Միասնիկ Մալխասեանը տեղափոխուած է Ս. Փեթերսպուրկ, կը գտնուի այնտեղի հիւանդանոցներէն մէկուն վերակենդանացման բաժանմունքին մէջ: Այս մասին Tert.am-ի հետ զրոյցի ժամանակ ըսած է «Ազատամարտիկներու դաշինք»-ի անդամ Ռազմիկ Պետրոսեանը:

«Տեղեակ եմ, որ  ընտանիքին տեղափոխելու հարցում լոյս 12-ի լոյս 13-ի գիշերը  տեղափոխել են, կառավարութիւնն օգնել է: Տեղափոխելուց յետոյ  բարդութիւններ չեն առաջացել, բայց նա դեռ գտնուում է մահաքունի (քոմայի) մէջ: Մենք պարբերաբար  կապը պահում ենք ընտանիքի հետ»,-շեշտած է ան:

Ռազմիկ Պետրոսեանը նաեւ ընդգծած է, որ Ս. Փեթերսպուրկի մէջ բժիշկները յուսադրած են,  որ կրնան ստոյգ ախտորոշում տալ եւ բուժել Միասնիկ Մալխասեանը:

Յիշեցնենք, որ Միասնիկ Մալխասեանը 13 յուլիսէն մահաքունի (քոմա) մէջ է, տեղափոխուած էր «Հանրապետական» հիւանդանոց, ապա «Աստղիկ» բժշկական կեդրոն:

Ազատամարտիկներու դաշինքը դիմած է ՀՀ վարչապետ Նիկոլ Փաշինեանին` յորդորելով աջակցիլ Միասնիկ Մալխասեանի կեանքը փրկելու  հարցին, քանի որ ան կեանքի եւ մահուան եզրագիծին է:

Լուրը ՝«Թերթ.ամ»էն