Բեյրութում գործող «Լյուսի Թութունջյան» կերպարվեստի ցուցասրահը հայտնել է լիբանանահայ բազմավաստակ քանդակագործ Զավեն Խդշյանի մահը: Ճանաչված քանդակագործը ծնվել է 1932 թվականին, Լիբանանում, ստացել է պրոֆեսիոնալ կրթություն: Նրա աշխատանքներն արժանացել են մի շարք միջազգային և լիբանանյան մրցանակների: Խդշյանը Եղեռնի զոհերի հիշատակին նվիրված և Լիբանանի Բիքֆայա բնակավայրում գտնվող հուշահամալիրի հեղինակն է: Նա Լիբանանում հայտնի է նաև աշխարհահռչակ բանաստեղծ Ժպրան Խալիլ Ժպրանի կիսարձանով, որ դրվել է վերջինիս անունը կրող զբոսայգում, Սուրբ Շարբելի, Սիմոն Վրացյանի, Շավարշ Միսաքյանի արձաններով, ինչպես նաև մեծ ու փոքր բազում քանդակներով: