«Ասպարէզ» օրաթերթը կը գրէ. «Թերթիս տարիներու բարեկամներ եւ զօրակցողներ տէր եւ տիկին Մարտիկ եւ Նորա Պուլտուքեաններ, ընդառաջելով խմբագրութեանս դիմումին՝ սիրով դարձան «Ասպարէզ»ի 110ամեակի ճաշկերոյթի հովանաւորներէն մէկը, թերթիս նուիրելով 10,000 տոլար:
Մարտիկ Պուլտուքեան կարեւոր ներդրում ունի Հոլիվուտի հայ համայնքին մէջ: Ան ատենապետն է Հոլիվուտի Սուրբ Կարապետ եկեղեցւոյ հոգաբարձութեան:
Մարտիկ եւ Նորա Պուլտուքեանները այսպիսով կը միանան «Ասպարէզ»ի 110ամեակի ճաշկերոյթի հովանաւորներ Մհեր եւ Սաթիկ Տէր Օհաննէսեաններուն, որոնք նաեւ ընդառաջած էին խմբագրութեանս դիմումին եւ դարձած ճաշկերոյթի հովանաւորներ:
«Ասպարէզ»ի 110րդ յոբելենական ճաշկերոյթը տեղի պիտի ունենայ Կիրակի, 21 Հոկտեմբերին, Մոնթեպելլոյի «Բաղրամեան» սրահը»: