Լիբանանի մէջ անշարժ գոյքի ոլորտը տագնապահար... Մայր Աթոռի Տեղեկատուական համակարգի ղեկավար Տէր Վահրամ քահանայ Մելիքեանի ֆէյսպուքեան էջը կոտրած են... «Սպիտակ սաղաւարտակիրներ»ը Սուրիայէն հեռացնելու ամերիկեան նախագիծ... Դաւիթի աշտարակին մէջ բացուած է արձանագործ Կարէն Սարգսեանի ինքնատիպ ցուցահանդէսը...
«Լիբանանի մէջ եւրոպացի զբօսաշրջիկներուն թիւը կը բարձրանայ». Նախարար Կիտանեան
«Լիբանանի մէջ եւրոպացի զբօսաշրջիկներուն թիւը կը բարձրանայ». Նախարար Կիտանեան
11 Յուլիս 2018 , 10:44

Զբօսաշրջութեան նախարար Աւետիս Կիտանեան «Շարք Աուսաթ» թերթին հետ իր ունեցած հարցազրոյցին ընթացքին շեշտեց, որ Լիբանանի մէջ զբօսաշրջութեան եղանակը սկիզբ առած է եւրոպացի զբօսաշրջիկներու թիւին արձանագրած աճով եւ Ծոցի երկիրներէն եկող զբօսաշրջիկներուն թիւին նուազումով:

Նախարար Կիտանեան նշեց նաեւ, որ Ծոցի երկիրներուն կողմէ իրենց քաղաքացիներուն Լիբանան այցելութիւնը արգիլելու որոշումին փոփոխութիւնը ուղղակիօրէն առնչուած է Լիբանանի մէջ կազմուելիք նոր կառավարութեան: «Անցեալ ամիս Լիբանանի տարբեր շրջաններուն մէջ սկիզբ առած երաժշտական եւ մշակութային փառատօները, որոնք այս ամսուան կիսուն պիտի աշխուժանան եւ բազմանան, իրենց կարգին եւրոպացի եւ ամերիկացի զբօսաշրջիկները քաջալերող գլխաւոր ազդակներ կը նկատուին», ըսաւ ան` աւելցնելով, որ այս տարի փառատօները նուազ են բաղդատած անցեալ տարուան, եւ անոնց թիւը պիտի հասնի հարիւրի:

Անդրադառնալով Ծոցի երկիրներէն Լիբանան այցելող զբօսաշրջիկներուն` նախարար Կիտանեան յայտնեց, թէ անոնց թիւը 30-40 առ հարիւրով նուազած է` աւելցնելով, որ Ծոցի երկիրներու դեսպաններ յայտնած են, թէ Լիբանանի նոր կառավարութեան կազմութիւնը կրնայ առիթ տալ Ծոցի երկիրներուն կողմէ Լիբանան այցելութիւնը արգիլող որոշումին բեկանումին:

«Բայց եւ այնպէս Լիբանան կրցած է աճ արձանագրել եւրոպացի զբօսաշրջիկներու, յատկապէս ֆրանսացիներու, գերմանացիներու եւ անգլիացիներու, ինչպէս նաեւ պրազիլցիներու այցելութիւններով: Որոշ չափով նշմարելի աճ մը արձանագրած են նաեւ ամերիկացի եւ քանատացի զբօսաշրջիկները», ըսաւ ան:

Նախարար Կիտանեան հաստատեց, որ զբօսաշրջութեան նախարարութիւնը նախորդ երկու տարիներուն ընթացքին որդեգրեց նոր ռազմավարութիւն մը, որ հիմնուած է հիմնական չորս առանցքներու վրայ. ա) Զբօսաշրջական օտար ընկերութիւններու մօտ Լիբանանի քարոզչութիւնը եւ շուկայադրումը ամրապնդել, բ) Շրջանային եւ միջազգային մակարդակով Լիբանանը վերածել խորհրդաժողովներու եւ աշխատանքային համագումարներու կեդրոնի մը` շրջանային եւ միջազգային զբօսաշրջական ընկերութիւններու հետ գործակցաբար, գ) Արտերկրի լիբանանցիներու քաջալերում` Լիբանան այցելելու ուղղութեամբ եւ դ) Զբօսաշրջական մարզի բարգաւաճումին հետեւող թուայնացած սարքերու եւ ծրագիրներու ստեղծում, որուն զուգահեռ զբօսաշրջական տարբեր ընկերութիւններու հետ փոխադարձ գործակցութեան ամրապնդում:

Ա. Կիտանեան նշեց, որ վերջերս Ֆրանսա կատարած իր այցելութեան ընթացքին մեկնարկը կատարած է «Զբօսաշրջական մարզի բարգաւաճման նոր ռազմավարութեան»` հիմնուելով զբօսաշրջութեան եւրոպական եւ համաշխարհային շուկաներուն վրայ, որպէսզի կարելի ըլլայ գրաւել եւրոպացի զբօսաշրջիկներուն ուշադրութիւնը եւ զանոնք մղել Լիբանան այցելելու:

Նշենք, որ Ա. Կիտանեան նախանցեալ երեկոյեան «Էմ. Թի. Վի.» պատկերասփիւռի կայանէն ունեցած իր հարցազրոյցին ընթացքին հաստատեց Լիբանանի մէջ զբօսաշրջութեան մարզին արձանագրած աճը` ընդգծելով Լիբանանը լաւ պատկերով աշխարհին ներկայացնելու կարեւորութիւնը:

Ան խստիւ դատապարտեց Լիբանանի խոցելի կէտերուն քարոզչութիւնը կատարողները, յատկապէս ընկերային ցանցերուն վրայ` հաստատելով, որ աշխարհի մէջ չկայ երկիր մը, ուր մարդիկ նման կերպով կը վարուին:

Ա. Կիտանեան անդրադարձաւ այն իրականութեան, որ լիբանանեան ջուրերուն մէջ կայ ապականում` մերժելով սակայն Լիբանանի դէմ գործադրուող այն կազմակերպուած ու կանխամտածուած հակաքարոզչութիւնը, որուն համաձայն Լիբանանի մէջ կարելի չէ լողալ, որովհետեւ լիբանանեան ջուրերը լրիւ ապականած են:

Նախարար Կիտանեան ընդգծեց, որ այս հակաքարոզչութիւնը կը կատարուի հարուածելու համար երկրին զբօսաշրջութիւնը:

Նախարար Կիտանեան շեշտեց, որ զբօսաշրջութեան մարզի աշխուժացումը իր դրական անդրադարձն ու ազդեցութիւնը կ՛ունենայ երկրին տնտեսութեան բարգաւաճման վրայ:

Ան նշեց, որ այս տարուան երկրորդ կիսուն եւ յառաջիկայ տարուան ընթացքին զբօսաշրջութեան մարզին արձանագրելիք աճը զգալի պիտի ըլլայ բոլորին համար` շնորհիւ նախորդ երկու տարիներուն ընթացքին մշակուած ծրագիրներուն եւ որդեգրուած ու գործադրուած աշխատանքային ռազմավարութիւններուն:

Անդրադառնալով զբօսաշրջութեան մարզին աշխատանքներուն յաւելեալ արդիւնաւէտութիւն ապահովելու կարելիութիւններուն` նախարար Կիտանեան յայտնեց, որ Լիբանանի տնտեսութեան արժեւորումը կատարած եւ անոր հիման վրայ տնտեսական ամբողջական ծրագիր մշակած «Մըքքենզի» ամերիկեան ընկերութիւնը իր տեղեկագիրին մէջ հաստատած է, որ զբօսաշրջութեան նախարարութեան տարեկան պիւտճէն պէտք է բազմապատկել, այսինքն` վերածել 14 միլիոն տոլարի, որպէսզի նախարարութիւնը շուկայադրումի եւ ծանուցողական իր արշաւները աւելի հանգիստ կերպով կատարէ եւ յաջողի բարձրացնել զբօսաշրջիկներուն թիւը, ինչ որ իր կարգին պիտի օժանդակէ երկրին տնտեսութեան զարգացումին:

 

Նիւթը «Ազդակ»էն

 

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture