Բրիտանիա ձեռքը կը քաշէ Սուրիոյ ընդդիմադիրներէն... Խուզարկութիւն Ռոպերթ Քոչարեանի առանձնատան եւ գրասենեակին մէջ... Մեքքայի մէջ արտակարգ իրավիճակ յայտարարուած է. Պատճա՞ռը... Սոֆիա Աճառեանի յուշերը. Անուշ Թրուանց...
Կաթողիկոսարանի Հայագիտական կեդրոնին առաջին շրջանաւարտներուն վկայականաց բաշխումը
Կաթողիկոսարանի Հայագիտական կեդրոնին առաջին շրջանաւարտներուն վկայականաց բաշխումը
14 Յունիս 2018 , 09:27

Նախագահութեամբ Ն.Ս.Օ.Տ.Տ. Արամ Ա. Կաթողիկոսին, Երեքշաբթի, 12 Յունիս 2018-ի երեկոյեան ժամը 7:00-ին, Պիքֆայայի Ս. Աստուածածին Վանքին մէջ տեղի ունեցաւ Մեծի Տանն Կիլիկիոյ Կաթողիկոսութեան Կրթական-հայագիտական բաժանմունքին Հայագիտական կեդրոնին առաջին շրջանաւարտներուն վկայականաց բաշխումը։

Ի դէպ, Մեծի Տանն Կիլիկիոյ Կաթողիկոսութեան եւ յանձին Նորին Սրբութեան արեւմտահայերէնի հանդէպ յատուկ հոգածութիւնը 2012-2013 տարեշրջաններուն թարգմանուեցաւ արեւմտահայերէնի խտացեալ դասընթացքներու ստեղծմամբ, որ ապագային վերածուեցաւ հայրենագիտական նիւթերու դասընթացքի, իսկ ներկայիս կը գործէ որպէս Հայագիտական Կեդրոն։ Նշենք, որ այս ծրագիրին առաջին երեք տարիներուն ղեկավարն էր հանգուցեալ Տիար Սարգիս Կիրակոսեանը, իսկ յաջորդող տարիներուն՝ Տիար Ժիրայր Դանիէլեանը։

Շրջանաւարտներուն սրահ մուտքէն ետք, ձեռնարկին հանդէս եկաւ Կեդրոնի տեսուչ՝ Պրն. Դանիէլեան։ Ան հակիրճ տողերու մէջ ներկայացուց Կիլիկիոյ Կաթողիկոսութեան ոդիսականը, որ Անթիլիաս հաստատուելէն ետք, իր առաքելութիւնը, ամէն բանէ վեր, ամփոփած է հայ ինքնութեան պահպանման ու ծաղկման մէջ։ Տեսուչը յայտնեց, որ ինչպէս Կաթողիկոսութեան բոլոր գահակալները, Ն.Ս.Օ.Տ.Տ. Արամ Ա. Վեհափառ Հայրապետը եւս կարեւորած է հայ մշակոյթն ու գրականութիւնը։ Ան թուեց Նորին Սրբութեան նախաձեռնած բազմաթիւ կոթողական հրատարակութիւնները, համագումարներն ու գիտաժողովները, հասնելով մինչեւ արեւմտահայերէնի պաշտպանութեան յանձնախումբի կազմութեան։ Պրն. Ժիրայր Դանիէլեան իր խօսքը աւարտեց վերոնշեալ ծրագիրներու ծիրին մէջ ներկայացնելով Մեծի Տանն Կիլիկիոյ Կաթողիկոսութեան Կրթական-հայագիտական բաժանմունքին Հայագիտական Կեդրոնը՝ նշելով, որ 2012 թուականէն ի վեր աւելի քան 100 ուսանողներ մասնակցած են ծրագիրին եւ այս տարի, առաջին անգամ ըլլալով, ծրագրուած եռամեայ դասընթացքները յաջողութեամբ աւարտած 13 ուսանողներ կը ստանան իրենց վկայականները։ Ան յայտնեց, որ դասընթացքներուն առաջին հունձքը կը հանդիսանան եռամեայ դասընթացքին հետեւող ուսանողները, որոնք ամբողջացուցած են, ի շարս այլոց, հայերէն լեզուի, մատենագրութեան, գրականութեան, եկեղեցագիտութեան, հայ արուեստի, հայոց պատմութեան, հայ դատի եւ մանուկի հոգեբանութեան դասընթացքները։ Ուսանողները դասախօս ունեցած են լիբանանահայ գաղութէն մանկավարժներ, ինչպէս նաեւ, վերջին երկու տարիներուն, Հայաստանէն ժամանած հիւր մասնագէտ դասախօսներ։

Շրջանաւարտներու անունով ուղերձ կարդաց Տիկ. Մարալ Ղարիպեան։ Վկայակոչելով Վեհափառ Հայրապետին առաքելութեան գիծը, ուր հայ եկեղեցին կը դարձնէ նաեւ հայրենիք ու մշակոյթ, շրջանաւարտներուն անունով շնորհակալութիւն ու երախտագիտութիւն յայտնեց Նորին Սրբութեան ընծայած առիթին եւ ուխտեց հետեւիլ Հայրապետին օրինակին ու գուրգուրալ հայոց ոսկեղնիկին։

Աւարտին, Ն.Ս.Օ.Տ.Տ. Արամ Ա. Կաթողիկոս տուաւ իր հայրապետական պատգամը։ Վեհափառ Հայրապետը  լուսարձակի տակ առաւ հայագիտութեան դիմագրաւած մարտահրաւէրները եւ յայտնեց, որ հարկ է բաց միտքով տեսնել մեր թերութիւններն ու բացթողումները, որպէսզի կարենանք սրբագրել զանոնք։ Ան ըսաւ, որ մեր կեանքին մէջ հայագիտական մարզը լուսանցքայնացած է եւ անհրաժեշտ նախանձախնդրութիւնը չի ցուցաբերուիր բարելաւելու համար այս մարզը։ Այս առնչութեամբ Հայրապետը շեշտեց, որ Մեծի Տանն Կիլիկիոյ Կաթողիկոսութիւնը յատուկ հոգածութեամբ  կը ծաւալէ իր աշխատանքները հայագիտութեան ոլորտին մէջ, ոչ միայն հայագիտական դասընթացքներու ընդմէջէն, այլ նաեւ հրատարակութիւններու, դասախօսութիւններու, խորհրդաժողովներու եւ շարք մը այլ ծրագիրներու ճամբով։ Նորին Սրբութիւնը հաստատեց, որ յառաջիկայ տարիներուն Հայագիտական Կեդրոնը ա՛լ աւելի պիտի ծաղկի եւ կոչ ուղղեց հայագիտութեան վրայ գուրգուրացող հայորդիքին մաս կազմելու այս ծրագիրին։

Ձեռնարկին գեղարուեստական բաժինին իրենց մասնակցութիւնը բերին Դպրեվանքի սարկաւագներէն Կարապետ Պալեան (Մուշեղ Իշխանի «Գիրքեր սիրելի» ասմունքով) եւ Կարապետ Էօրտէքեան (Գառնիկ Ադդարեանի «Հայաստան» ասմունքով) եւ Դպրեվանքի սաները՝ «Կիլիկիա» քայլերգով։

Լրահոս
Ամենաընթերցուած
Օրվա
Շաբաթվա
Ամսվա
One of the world's oldest civilizations, Armenia once included Mount Ararat, which biblical tradition identifies as the mountain that Noah's ark rested on after the flood. It was the first country in the world to officially embrace Christianity as its religion (c. A.D. 300).In the 6th century B.C. , Armenians settled in the kingdom of Urartu (the Assyrian name for Ararat), which was in decline. Under Tigrane the Great (fl. 95–55 B.C. ) the Armenian empire reached its height and became one of the most powerful in Asia, stretching from the Caspian to the Mediterranean seas. Throughout most of its long history, however, Armenia has been invaded by a succession of empires. Under constant threat of domination by foreign forces, Armenians became both cosmopolitan as well as fierce protectors of their culture and tradition. Over the centuries Armenia was conquered by Greeks, Romans, Persians, Byzantines, Mongols, Arabs, Ottoman Turks, and Russians. From the 16th century through World War I, major portions of Armenia were controlled by their most brutal invader, the Ottoman Turks, under whom the Armenians experienced discrimination, religious persecution, heavy taxation, and armed attacks. In response to Armenian nationalist stirrings, the Turks massacred thousands of Armenians in 1894 and 1896. The most horrific massacre took place in April 1915 during World War I, when the Turks ordered the deportation of the Armenian population to the deserts of Syria and Mesopotamia. According to the majority of historians, between 600,000 and 1.5 million Armenians were murdered or died of starvation. The Armenian massacre is considered the first genocide of the 20th century. Turkey denies that a genocide took place and claims that a much smaller number died in a civil war.read more: Armenia: Maps, History, yerevanvideo.com Geography, Government, Culture