14.09c
Երեվան
հնգ, ապր 25
ՏԱՍՍ գործակալութիւնը գրած է, թէ Սեւաստոպոլի մէջ կայացած է «Победили вместе» («Յաղթել ենք միասին») վաւերագրական ֆիլմերու ու հաղորդումներու 14-րդ միջազգային փառատօնի փակման արարողութիւնը:
«Լաւագոյն լիամեթրաժ ֆիլմ» հռչակուած է Արմէն Խաչատրեանի «Վերջին ցանկութիւն»-ը (Հայաստան)։
Ֆիլմը Սուրիայէն քաղաքացիական պատերազմի պատճառով Հայաստան փախած սուրիահայերու մասին է: Ֆիլմին մէջ նկարագրուած է անոնց հոգեբանական վիճակը, այնտեղ մնացած հարազատներու ու աւերուած տուներու հանդէպ կարօտը, ինչպէս նաեւ՝ նոր երկրի մէջ նոր կեանք սկսելու անոնց փորձերը։
Նշուած է, որ այս տարի փառատօնին ներկայացուած է աւելի քան 100 վաւերագրական ֆիլմ աշխարհի 30 երկիրներէն, ինչպէս՝ Մեծ Բրիտանիայէն, ԱՄՆ-էն ու Գերմանիայէն։ Մրցութային ծրագրէն բացի՝ փառատօնին ներկայացուած է նաեւ արտամրցութային մեծ ծրագիր, որ ներառած է ֆիլմերու ցուցադրութիւն, ստեղծագործական երեկոներ, այլ միջոցառումներ։
