Դամասկոսի մէջ մահացած է Սուրիոյ նախկին Ներքին գործոց նախարար Ալի Մուհամմատ Զազան, որ կը համարուէր երկրի նախկին նախագահ Հաֆէզ Ասատի ամենամտերիմ ընկերներէն մին:
Չորեքշաբթի 21 մարտին, քրտական արմատներ ունեցող նախարար Զազայի ընտանիքը յայտարարած է, որ ան մահացած է երեքշաբթի երեկոյեան, երկարատեւ հիւանդութենէ ետք:
Նախկին նախարարի մահազդին մէջ խորագրուած է, որ ան եղած է «Հին ռազմիկներ»ու ցուցակին մէջ՝ նախագահ Հաֆէզ Ասատի հետ իր ունեցած սերտ յարաբերութեան համար:
Նշենք, որ Զազան իր Ներքին գործոց նախարարի պաշտօնը ստանձնած էր 1971 –ին, մինչեւ 1976, նախքան այդ, ան նաեւ ծառայած էր որպէս ռազմական հետախուզութեան բաժնի պետ: