Պոլսոյ Քատիր Հաս համալսարանին մէջ բացուած է հայազգի նկարիչ Տարօն Մուրատեանի «Բացայայտ գաղտնի խաղ» խորագիրով ցուցահանդէսը:
«Էրմենիհապեր»-ի փոխանցմամբ, ասիկա արուեստագէտին առաջին ցուցահանդէսն է Թուրքիոյ մէջ: Ցուցահանդէսի համակարգողը փրոֆ. Հասան Պիւլենթ Քահրամանն է:
Խօսելով իր աշխատանքներուն մասին` Մուրատեան ըսած է. «Ես շատ չեմ խօսիր, թող նկարներս խօսին: Թող այցելուները որոշեն, թէ ինչ կը պատմեն նկարներս»:
Ցուցահանդէսը բաց պիտի մնայ մինչեւ 2018 թուականի Յուլիս 1: